खोज/विशेष : फिचर

सभागृहमा ७ घण्टा : रवीन्द्र मिश्रको उत्साहदेखि रमिलाको आक्रोशसम्म (फोटोफिचर)

1509609659009_Pro_Ktm_20171102_Aकाठमाडौं, १६ कात्तिक— प्रर्दशनीमार्गस्थित राष्ट्रिय सभागृह कुनै पनि राजनीतिक माहोलबाट अछुतो रहदैनँ । राष्ट्रिय राजनीतिका हरेक क्रियाकलापमा सधैं मूर्त झैं सहभागिता जनाउने सभागृह बिहिबार आगामी मंसिर २१ गते हुने दोस्रो चरणको प्रदेश तथा प्रतिनिधिसभा चुनावका लागि काठमाडौंका ४ वटा निर्वाचन क्षेत्रको उम्मेद्वारी दर्ता स्थल बन्यो ।

संविधान कार्यान्वयनको महत्वपूर्ण कदमका रुपमा लिइएको आगामी निर्वाचनका लागि निकै उत्साहित बन्दै सभागृहको माहोल तताएका थिए, रबिन्द्र मिश्रले ।15

उनले काठमाडौं क्षेत्र नम्बर १ बाट विवेकशील साझा पार्टीका तर्फबाट आफ्नो उम्मेद्वारी दर्ता गराउँदै पत्रकारहरुसँग आफ्नो उम्मेद्वारी नयाँपनका लागि भएको दाबी गरे ।1_5

उनका प्रमुख प्रतिद्वन्दी काँग्रेसका प्रभावशाली नेता प्रकाशमान सिंह भने अपरान्ह २ बजे मात्रै उम्मेद्वारी दर्ताका लागि सभागृह प्रवेश गरेका थिए । लामो इतिहास बोकेको नेपाली काँग्रेसका प्रभावशाली नेता बिरुद्धको उम्मेद्वारी जितकै लागि हो त ? पत्रकारको यो प्रश्नमा मिश्रले भने, ‘जित्नकै लागि उम्मेद्वार बनेको ।’ अझँ उनले आफ्नो जित ११० प्रतिशत सुनिश्चित भएको दाबी समेत गरे ।6_1

सभागृहमा उम्मेद्वारी दर्ता गराएका नेपाली काँग्रेसका प्रतिनिधिसभाका अधिकांश उम्मेद्वार हेभिवेट नै रहेका छन् ।
यसैगरी वाम गठबन्धनका तर्फबाट पनि काठमाडौँमा क्षेत्र नं १ मा चर्चित माओवादी केन्द्र नेता जनार्दन शर्माका भाइ अनिल शर्मा, २ मा माधवकुमार नेपाल, ३ मा कृष्ण राई, ४ मा डा राजन भट्टराई रहेका छन् ।

उम्मेद्वार र मतदाताका आ–आफ्नै अपील !
सभागृहमा बिहान १० बजेदेखि साँझ ५ बजेसम्म भीडभाड थियो । यो ७ घण्टाको बीचमा उम्मेदवारी दर्ता गराउन आएका उम्मेद्वारहरुले आफूले जिते केही काम गर्ने अठोट गरे ।12

उम्मेदवारी दर्ता गराउने रवीन्द्र मिश्रको टोली पछ्याउने क्रममा सभागृहको गेटसम्म आइपुगेकी काठमाडौं क्षेत्र नम्बर चारकी एक महिला मतदाता रमिला शर्माले उम्मेद्वारप्रति आक्रोश पोखिन् ।3_2

लोकान्तरसँग उनले भनिन्, ‘नेताहरुले महंगा र गहु्रगा माला लगाएर आउँदैमा हामीलाई के हुन्छ ?’ उम्मेद्वारसँग के अपेक्षा छ भन्ने प्रश्नमा उल्टै प्रतिप्रश्न गर्दै उनले थपिन्, ‘हाम्रो चाबहिलमा धुलो धुँवाको अवस्था देख्नुभएको छ ?, यिनीहरुले सुधार्छन् भनेर अपेक्षा गर्नु ?’

रमिलाले आक्रोश पोख्दै गर्दा युवा तथा चर्चित नेता नेपाली काँग्रेस क्षेत्र नम्बर ४ का उम्मेद्वार गगन थापाले अब युवाहरुको सहभागिता बढे सम्बृद्धि तथा विकासले फड्को मार्ने बताए ।16

थापाले सभागृहमा पत्रकारसँग कुरा गर्दै गर्दा गलाभरी लगाएका माला छाम्दै आफूलाई जिताउन अपील मात्रै गरिरहेका थिए । रमिलाजस्तै सभागृहको गेटसम्म पुगेका कयौं मतदाताहरुले विकासका लागि नेताहरुसँग अपील गरिरहेका थिए भने सबै उम्मेद्वारले चाहिँ आफूलाई जिताउन अपील गरिरहेका थिए ।

बिहिबार भीडभाड देखिएको सभागृह परिसरमा जसरी पनि आगामी चुनाव सम्पन्न भई संविधान कार्यान्वयन हुनुपर्ने आवाज भने सबैको एउटै थियो । कात्तिक १६, २०७४ मा प्रकाशित

मनीषा अवस्थी

मनीषा अवस्थी लोकान्तर डट् कमका लागि आर्थिक विषयमा कलम चलाउँछिन् । 

लेखकबाट थप...

प्रतिक्रिया दिनुहोस