×

NMB BANK
NIC ASIA

पर्दापछाडिका नायक : एउटा फिल्म खिचेको ६ लाखसम्म लिन्छन्

कात्तिक २०, २०७४

NTC
Sarbottam
Premier Steels
Marvel
काठमाडौंको असनतिर खेल्ने सानो चकचके बालक । एकदमै बदमास । न बुवाले भनेको मान्ने, न आमाले । कसैले सम्झाउँदा पनि टेर्ने छाँट नदेखाएपछि परिवारले ती बालक सुध्रिन्छन् कि भनेर वीरगञ्जस्थित ठूलीआमाको घर पठाइदिए । त्यहाँ दाजुहरूको डर मान्ला, छोरो ठूलो बनेर राम्रो मान्छे बन्ला भन्ने सपना देखेका थिए परिवारले ।

बालकको नाम थियो – पुरुषोत्तम प्रधान ।Puru5

‘म सानोमा साह्रै बदमास थिएँ, नौ वर्ष पुगेपछि भने पढ्नुपर्छ भन्ने लाग्न थाल्यो’, पुरुषोत्तम सुनाउँछन् । अहिले भने उनको स्वभाव सरल र शालीन लाग्छ ।

२०५१ सालतिर शूटिङ युनिटसँग ‘बूम बोई’ को काम थाल्दा एकसय पच्चीस रुपैयाँ पारिश्रमिक पाएको सम्झना छ प्रधानलाई । अहिले भने पुरुषोत्तमले एउटा फिल्मको ६ लाख रुपैयाँसम्म पारिश्रमिक लिने गरेका छन् ।
त्यसो त उनले शुरुवाती दिनमा सित्तैमा पनि काम गरेका थिए ।

चलचित्र ‘लूट’ ले अभिनेता सौगात मल्ल, दयाहाङ राई, निश्चल बस्नेतलगायतलाई रातारात चर्चित बनायो । तर यही फिल्मलाई क्यामेरामा कैद गरेका छायांकनकार पुरुषोत्तम प्रधानलाई भने कमै दर्शकले ख्याल गरे । पर्दापछाडि बसेर काम गर्ने प्रधानलाई दर्शकले कमै चिनेपनि फिल्मकर्मीको ध्यान चाहिँ उनले राम्ररी नै खिँचे ।
त्यस फिल्मा उनको छायांकन पक्षको भने राम्रै चर्चा भयो ।

त्यही चर्चाले उनलाई अझ राम्रो काम गर्ने जिम्मा थपिदियो । ‘सधैं फिल्मकै बारेमा सोचिरहेको हुन्छु, जन्मेको नै फिल्मका लागि हो झैं लाग्छ,’ प्रधान भन्छन्, ‘अरूसँग भन्दा पनि फिल्मबारे कुरा गर्ने साथी भेट्दा रमाइलो लाग्छ ।’
बूम् बोए (माइक समाएर कलाकारको आवाज रेकर्ड गराउने व्यक्ति) हुँदै छायांकनकार बनेका प्रधानले आजसम्म गरेको कामलाई मूल्यांकन गरेका छैनन् । 

‘यो क्षेत्रमा के गरें भनेर मूल्यांकन गर्ने बेला अझै भएको छैन,’ उनी हाँस्दै सुनाउँछन्, ‘तर मलाई पूरै जिन्दगी फिल्म क्षेत्रमै बिताउनुछ ।’

त्यसो त उनी फिल्मबाहेक अन्य क्षेत्रमा राम्रो ज्ञान नभएको बताउँछन् ।
यतिबेला कामको व्यस्तताले परिवारलाई समय दिनसमेत भ्याएका छैनन् उनले । एकपछि अर्को फिल्मको शूटिङमा व्यस्त हुन्छन् उनी । ‘छोरीलाई आमाले समय दिनुभएको छ ।’

बिहे गरेको एक वर्ष नहुँदै पत्नी (अनु श्रेष्ठ) गुमाउनुपरेको पीडाले उनलाई अहिले पनि पोल्छ । छोरी जन्मेको चौबीस दिन नहुँदै पत्नीको अकस्मात् मृत्यु भएपछि छोरी हुर्काउने जिम्मा आमा (भवानी प्रधान) मा थपिएको छ ।
‘आमा र भाइको सहयोग छ, त्यसैले कहिल्यै आफ्नो कामलाई पन्छाउनुपरेको छैन,’ प्रधान सुनाउँछन् ।Puru1

फिल्म क्षेत्रका दुई दशक परिवारलाई धेरै समय दिन नपाएपनि आमाको धैर्य र लगनशीलताले उनलाई कामप्रति नै प्रेरित गरेको प्रधान सुनाउँछन् ।

‘अहिले पनि बेलाबेलामा सम्झाउनुहुन्छ, सानोमा त आमाको धेरै पिटाइ खाएको छु,’ यसो भन्दा उनी मुसुक्क हाँसे ।
बा–आमाले छोरो बिग्रने छनक देखेरै वीरगञ्ज पठाएपछि उनी परिवारसँग त्यति नजिक हुन पाएका थिएनन् । वीरगञ्जमा ठूलीआमाको घरमा बसेर पढिरहेका थिए । यता काठमाडौंमा बुवाको मृत्यु भएछ । उनको बालमस्तिष्कले मृत्यु र बुबाको महत्त्वलाई नै थाहा पाएन त्यतिबेला ।

‘बुवा बित्नुभएछ, म भने बुवा बितेको चार महिनापछि मात्र काठमाडौं आएँ,’ उनी थप्छन्, ‘अहिले सम्झँदा कस्तो केटाकेटी सोच भन्ने लाग्छ ।’

‘म नौ वर्ष पुगेपछि आमाले गर्नुभएको दुःख बुझेर राम्रो मान्छे बन्नुपर्छ भन्ने लाग्न थाल्यो,’ उनी आफ्नो बाल्यकाल सम्झन्छन् ।
आमा भवानीले अहिले नातिनी हुर्काउँदैछिन् ।
Puru3
परिवारलाई भन्दा बढी समय फिल्मका लागि छुट्ट्याएको बताउँछन् प्रधान । जोखिम मोलेर फिल्मलाई कसरी राम्रो किसिमले खिच्न सकिन्छ भनेर उनी लागिपर्छन् । कसरी आफ्नो कामलाई अझ राम्रो बनाउन सकिन्छ भन्ने सोचमा डुबेका हुन्छन् उनी ।

‘चलचित्र दृश्यविधा हो, छायांकनको पनि बेग्लै महत्त्व हुन्छ । यसलाई पर्याप्त समय दिनैप–यो नि,’ प्रधान भन्छन् ।
नेपाली सिनेमाले पछिल्लो समय बजार फराकिलो पार्दै गएको प्रधानको बुझाइ छ । केही समययता नेपाली सिनेमा र नाटकले फड्को मारेको उनको बुझाइ छ ।

अहिलेका युवापुस्ताको जोशले केही दशकमै नेपाली सिनेमाले विश्वबजारमा प्रतिस्पर्धा गर्नसक्ने उनले अनुमान गरेका छन् ।

‘फिल्मको कुनै भाषा हुँदैन, यो विधालाई दृश्यकै माध्यमबाट मात्र पनि बुझ्न सकिन्छ,’ उनी थप्छन्, ‘बल्ल फिल्मलाई कसरी स्तरीय बनाउन सकिन्छ भनेर नेपाली चलचित्रकर्मीहरू लागिपरेका छौं ।’

नेपाली सिनेमामा प्राविधिक पक्ष केही सबल बन्दै गएपनि फिल्मको पटकथा कमजोर हुने कारणले फिल्म स्तरीय बन्न नसकेको उनको बुझाइ छ ।

‘हामीलाई कथाको कमी छैन, तीन करोड नेपालीका ६ करोड कथा छन्,’ उनी थप्छन्, ‘तर हामी पटकथामै चिप्लिरहेका हुन्छौं । बल्ल आएर कथाको महत्त्व बुझ्न थालिएको छ ।’
प्राविधिक हिसाबले राम्रो सिनेमा खिचेको प्रतिक्रिया पाएपनि प्रधानले औपचारिक तालिम भने लिएका छैनन् सिनेमाटोग्राफीको । त्यतिबेला अहिलेजस्तो फिल्म स्कूल पनि थिएनन् ।Puru2

काम गर्दै सिक्दै गरेको प्राविधिक ज्ञानलाई अझै परिष्कृत गर्न इन्टरनेटको सहायता लिने गर्छन् उनी । ‘हामीलाई त अहिले इन्टरनेटले धेरै सहज बनाइदिएको छ नि, रुचिमात्र भए पुग्यो ।’

‘मैले त प्रयास मात्र गर्दैछु, फिल्म यति गहिरो विषय हो कि, राजामौली, जेम्स क्यामरून जस्ता पुराना निर्देशकले पनि अझै फिल्म सिकेका छैनन्,’ उनी थप्छन्, ‘एक जुनीले फिल्म सिक्छु भनेर पुग्दैन ।’

अहिले छायांकनमै व्यस्त बनेका प्रधान बिस्तारै चलचित्र निर्माणमा समेत लाग्ने योजनामा छन् । पच्चीस वर्ष फिल्ममा बिताएका प्रधान आफ्नो दिमागले भ्याएसम्म यही क्षेत्रमा लाग्ने सपना देखेको बताउँछन् ।
उनी भन्छन्, ‘फिल्म सबथोक हो, म फिल्म क्षेत्रमै मर्न चाहन्छु ।’

Sagarmatha Cement
Muktinath Bank

Advertisment
RMC TANSEN
IME BANK INNEWS
shivam ISLAND

Advertisment
Nabil box
Kumari
Vianet communication
Laxmi Bank
hAMROPATRO BELOW NEWS
TATA Below
कात्तिक १९, २०८०

समय : आइतवार बिहान ७ बजे  स्थान : नलगाड नगरपालिका, १ चिउरी, जाजरकोट (भूकम्पले सबैभन्दा धेरै क्षति पुर्‍याएको ठाउँ)  ‘मेरी आमालाई किन यस्तो भयो ? मलाई पनि बाँच्न मन छैन,...

माघ १३, २०८०

रोल्पाका देवराज बुढामगर गाउँकै साधारण किसान हुन् । परिवर्तन गाउँपालिका–४ पाथावाङ निवासी देवराजका ६ छोरी र एक छोरा सरकारी जागिरे छन् । छोराको आसमा ६ छोरी जन्माए देवराज र उनकी श्रीमती नन्दाले । हुन पन...

फागुन २६, २०८०

पोखराका अशोक खड्काको पारिवारिक वातावरण सानैदेखि उद्यमशीलताको थियो । उनका बुवा सधैं एकै सुझाव दिइरहन्थे– नेपालमै केही गर्नुपर्छ । उनको बालमस्तिष्कमा त्यही छाप पर्यो । विदेश जाने सोच कहिल्यै बनाएनन् । नेप...

माघ २७, २०८०

भगवान् गौतम बुद्धको जन्मस्थल लुम्बिनी विश्वकै लागि शान्तिक्षेत्र हो । यो क्षेत्र आउँदो महिना विशेष हुने भएको छ । विश्वकै प्रतिष्ठित र ठूलो पुरस्कार मानिने नोबेल पुरस्कार विजेताहरूको जमघट हुने भएपछि विशेष हुन लागेक...

फागुन ५, २०८०

श्रीमान्–श्रीमती नैं शाखा अधिकृत, त्यो पनि एकसाथ । यस्तो सुखद संयोग सरकारी सेवामा प्रवेश गर्न चाहनेमध्ये कमैलाई मात्र जुर्ने गर्छ । तर, गुल्मीको धुर्कोट गाउँपालिका वडा नम्बर–६ का सुरेन्द्र पाण्डे र रमित...

कात्तिक २५, २०८०

बुटवलका कुलचन्द्र पाण्डे सफल पर्यटन व्यवसायी हुन् । कुनै समय भारतको एउटा कम्पनीमा काम गरेका पाण्डे अहिले रूपन्देहीमा ‘एसियन ब्राण्ड’ चम्काउने ‘टुरिजम’ उद्यमीका रूपमा चिनिन्छन् । तीन दशकअघि...

अपराजित जनयुद्धको पराजित कथा

अपराजित जनयुद्धको पराजित कथा

चैत १४, २०८०

सामान्यतः मानव समाजको आजसम्मको इतिहास जनयुद्धको इतिहास हो भन्दा फरक पर्दैन । किनकि, समयका प्रत्येक खण्डमा चाहे ती स्पाटाहरू होउन् या चार्टिष्टियन, सिलेसियाली होउन् या कम्युनाडोहरू अनि वोल्सेभिक–भियतकङ्&ndash...

निर्मोही राज्य र युगीन अवतारको प्रतीक्षामा नेपाली समाज

निर्मोही राज्य र युगीन अवतारको प्रतीक्षामा नेपाली समाज

चैत १२, २०८०

रूढिवादी र पछौटे समाजले सधैँभरि अवतारको प्रतीक्षा गर्दछ । प्रतीक्षा गर्नेले आफू केही पनि कर्म गर्दैन र उसलाई पौरखमा त्यति विश्वास पनि हुँदैन ।  सामान्यतया व्यक्तिगत जीवनमा भाग्य र सामाजिक जीवनमा अवतारको प्रत...

सत्यको खोजी

सत्यको खोजी

चैत १०, २०८०

कसैले आएर सत्य भनेको के हो ? भनेर सोध्यो भने हामी अलमलिन्छौँ । कसैले केही भनौँला कसैले केही । अझ कसैले त सत्य भनेको सत्य नै हो भन्न पनि बेर लगाउन्नौँ । तर सत्य त्यो मात्र होइन । सत्य भनेको हामी आफैँ हौँ । सत्य...

x