कात्तिक २१, २०८०
पाल्पामा दुईवटा खोलामा डुबेर मंगलवार दुई जनाको ज्यान गएको छ । पाल्पाको तिनाउ गाउँपालिका–३ मा रहेको तिनाउ खोलाको ड्याममा डुबेर घुम्न आएकी भारतीय युवती महिलाको मृत्यु भएको जिल्ला प्रहरी कार्यालय, पाल्पाक...
मंसिर ४, २०७४
काठमाडौं, ४ मंसिर –पहिलो र दोस्रो गरी दुई चरणमा सम्पन्न हुन लागेको चुनावमा देशभर चुनावी सरगर्मी तातिए पनि काठमाडौंका भित्री स्थानमा भने चुनावले खासै छोएको छैन । चावहिलदेखि घण्टौंको सवारी यात्रामा पुगिने साँखु पुग्ने बाटो पूरै धुलाम्मे थियो । चावहिल–साँखु रुटमा यात्रुले कष्टकर यात्रा त गरिरहेका छन् नै । धूलोले यात्रुलाई उत्तिकै सास्ती दिइरहेको छ ।
बुङ्बुङ्ती उडिरहेको धूलोमा स्थानीयवासीझैं धूलोको पछिपछि मोटरसाइकलमा पार्टीका झण्डासहित बाटोमा कुदिरहेका थिए स्थानीय प्रतिनिधि । काठमाडौं – २ बाट एमालेका उम्मेदवार पूर्वप्रधानमन्त्री माधवकुमार नेपाल र नेपाली कांग्रेसका उम्मेदवार दीपक कुइँकेलले उम्मेदवारी दिएका छन् । तर नेपाल र कुइँकेल साँखु आसपासका गाउँमा अझै भोट माग्न नपुगेको स्थानीयवासीले बताए ।
उक्त क्षेत्रमा भूकम्पको बेलामा पनि कुनै नेता राहतका लागि नआएको साँखुका स्थानीय मतदाताले बताए । बाटो निर्माण प्रक्रियामा भएकाले अहिले गाउँलेले धेरै धूलोको समस्या बेहोर्नुपरेको छ ।
साँखुका स्थानीयवासी रामबहादुर थापाले पहिले जिताएर पठाएका उम्मेदवारले यो क्षेत्रका लागि खासै केही नगरे पनि भूकम्पका बेला उक्त क्षेत्रका नेता माधवकुमार नेपालले केही सहयोग गरेको बताए । ‘हुन त नेताले यो क्षेत्रका लागि खासै केही गरेका छैनन् तर आश्वासन बाँडेकै हुन्छन्, बरु माधवकुमार नेपालले केही आश्वासन पूरा गरेका छन् ।’, उनले सुनाए ।
तर, साँखु खुलाल्टारका कुमार विकले भने नेताको कारणले आफूहरुले कुनै सहयोग नपाएको बताए । ‘पहुँच हुनेले पाए, पहुँच नहुनेले त राहत पनि पाएनन्, नेताको काम चुनावअघि आश्वासन बाँड्ने मात्र त हो नि’, धारामा पानी थाप्दै गर्दा भेटिएका विकले थपे, ‘बरु धूलोले हैरान गरिरहेको छ, हामीलाई त सास फेर्न पनि गाह्रो भइसकेको छ, पाँच वर्षमा सक्ने भनेको बाटो समयमै सकिन्छ भन्ने पनि लाग्दैन ।’
साँखुका चन्द्रबहादुर श्रेष्ठले आफ्नो क्षेत्रमा अहिले बिस्तारै विकास हुँदै गएको बताए । ‘भूकम्पको बेलामा नेताले एउटै पाललाई पनि चार टुक्रा पारेर बाँडे, अझ यही क्षेत्रबाट जितेर गएका कति उम्मेदवार त फर्केर पनि आएनन्’, उनले थपे, ‘अहिले पनि कोही भोट माग्न आएका छैनन् ।’
ठूला मुख्य दल वाम गठबन्धनका माधवकुमार नेपाल र दीपक कुइँकेलबीच प्रतिस्पर्धा हुने देखिए पनि राप्रपा नेपालका उम्मेदवारले साँघुको बजारमा चुनावी झण्डा राखेका छन् । यद्यपि अन्य पार्टीका झण्डा भने बाटोमा गुड्ने केही मोटरसाइकल र गाडीमा मात्र देखिन्थे ।
भूकम्पले घर भत्काएर टहरोमा बस्दै आएकी सुनिता तामाङले आफ्नो परिवारले घर बनाउन नसकेको र नेताप्रनि पनि कुनै आशा नभएको बताइन् । उनले आफ्नो मताधिकार प्रयोग गर्नमा पनि खासै रुचि नभएको बताइन् । ‘भोट त माग्न आउलान् नि, तर अहिलेसम्म चहलपहल छैन ।’, उनले सुनाइन् ।
साँखुका विष्णु पोखरलले केही उम्मेदवारले जितेपछि जनतासँग आएर साक्षात्कार गर्ने गरे पनि केही नेता भने फर्केर नआएको बताए । ‘यो क्षेत्रमा जितेका उम्मेदवार पनि छन्, हारेका पनि छन्’, उनले भने, ‘जितेर यो क्षेत्रमा फर्केर नआउने उम्मेदवारलाई जनताले पक्कै चिनेका होलान् ।’
काठमाडौंको प्रायः क्षेत्रमा धूलोले जनतालाई अत्याएको त छ नै । चावहिलदेखि साँघुसम्मको पूरै बाटो उत्तिकै धुलाम्मे बनेको छ । जनतालाई धूलोले गर्दा निकै सास्ती खेप्नुपरेको स्थानीय बताउँछन् । उम्मेदवार भोट माग्न आउने क्रम बाँकी रहँदा स्थानीय मतदाताहरुले भने उम्मेदवारप्रति व्यङ्ग्य गर्दै भन्छन्, ‘यो क्षेत्रमा धूलो यति उड्छ कि, हामीले त उम्मेदवार आए पनि चिन्दैनौं होला ।’
पाल्पामा दुईवटा खोलामा डुबेर मंगलवार दुई जनाको ज्यान गएको छ । पाल्पाको तिनाउ गाउँपालिका–३ मा रहेको तिनाउ खोलाको ड्याममा डुबेर घुम्न आएकी भारतीय युवती महिलाको मृत्यु भएको जिल्ला प्रहरी कार्यालय, पाल्पाक...
काठमाडौं उपत्यकामा भूकम्पको झड्का महसुस गरिएको छ । सोमवार अपरान्ह ४ बजेर ३३ मिनेटको समयमा भूकम्पको झड्का महसुस गरिएको हो । जाजरकोटको रामीडाँडा केन्द्रविन्दु भएर अपराह्न ४ बजेर ३१ मिनेटमा ५ दशमलव ८ रे...
नेपाली सेनाका कर्णेल कामेश्वर यादवको घरमा चोरी भएको छ । ललितपुर महानरपालिका–१८ भैँसेपाटीमा रहेको उनको घरबाट १९ लाख ४२ हजार ६ सय रुपैयाँसहित विभिन्न सामानहरू चोरी भएको जिल्ला प्रहरी परिसरका एसएस...
भैहवाबाट झण्डै २० किलोमिटर पश्चिममा छ रुपन्देहीको सियारी–५ मा बैदौली गाउँ । सोही गाउँकी ३३ वर्षीया सावित्रा खरेल खनाल आमा बन्ने खुसीको मुखैमा थिइन् । विवाह गरेको दुई वर्ष मात्रै पुग्नै लाग्दा सावित्रा आम...
उदयपुरमा २१ वर्षीया युवतीलाई बलात्कार गरेको आरोपमा एक जना पक्राउ परेका छन् । पक्राउ पर्नेमा लिम्चुङबुङ गाउँपालिका १ बाँस्बोटेका २५ वर्षीय टवीन्द्र राई रहेका छन् । उनलाई आइतवार दिउँसो पक्राउ गरिएको प्रहर...
पाल्पामा १९ वर्षीया किशोरीलाई बलात्कार गरेको आरोपमा एक जना पक्राउ परेका छन् । पक्राउ पर्नेमा गुल्मीको इस्मा गाउँपालिका ६ का २६ वर्षीय जिज्ञाश दाहाल रहेका छन् । उनलाई मंगलवार साँझ पक्राउ गरिएको प्रहरीले जनाएको...
सच्चा लोकतन्त्रमा सिमान्तमा रहेको नागरिकले पनि यो देश मेरो हो भन्ने अनुभूति गर्न सक्नेछ- माहात्मा गान्धी । माथि गान्धीको भनाइ किन उद्धृत गरिएको हो भने नयाँ वर्षको आगमन भैसकेको छ र २०८० को बिदाइ बडो हर्षपूर्वक...
एक दिन काम विशेषले नयाँ सडकतिर गएको थिएँ, मोबाइल टिङटिङ गर्यो । हेरेँ पुराना मित्र जयदेव भट्टराई, सम्पादक मधुपर्क (हाल अवकाश प्राप्त) ले सम्झेका रहेछन् । हामी दुई लामो समयसम्म सँगै रह्यौँ, कहिले गोरखापत्र...
आत्मिक शुद्धताका पक्षपाती दार्शनिक सुकरात चौबाटोमा उभिएर एथेन्सबासीलाई आह्वान गरिरन्थे– ‘तपाईं नीति, सत्य र आत्माको शुद्धताका लागि किन ध्यान दिनुहुन्न ?’ उनका अर्थमा त्यो जीवन बाँच्न योग्य हुँदैन...