कात्तिक २१, २०८०
भैहवाबाट झण्डै २० किलोमिटर पश्चिममा छ रुपन्देहीको सियारी–५ मा बैदौली गाउँ । सोही गाउँकी ३३ वर्षीया सावित्रा खरेल खनाल आमा बन्ने खुसीको मुखैमा थिइन् । विवाह गरेको दुई वर्ष मात्रै पुग्नै लाग्दा सावित्रा आम...
पुस २९, २०७४
काठमाडौं, २९ पुस– निर्वाचन आयोगले तत्काल प्रदेश प्रमुख नियुक्त गर्न सरकरको ध्यानाकर्षण गराउने निर्णय गरेको छ । शुक्रबार बसेको आयोगको बैठकले राष्ट्रिय सभा सदस्यको निर्वाचनको मिति घोषणा भई निर्वाचन कार्य तालिका समेत प्रकाशित भइसकेको अवस्थामा प्रदेश सभा सदस्यको निर्वाचनको नतिजा घोषणा गरी ७ दिनभित्र प्रदेश प्रमुख समक्ष पठाउनु पर्ने भएकाले प्रदेश प्रमुख नियुक्ति गर्न सरकारसँग आग्रह गरेको हो ।
यसैबीच, आउँदो माघ २४ गते हुने राष्ट्रियसभा सदस्यको निर्वाचनमा २१ वटा राजनीतिक दलले सहभागीता जनाउन पाउने भएका छन् । निर्वाचन आयोगले राष्ट्रियसभा सदस्य निर्वाचनका लागि दल दर्ता गर्न गरेको आह्वानअनुसार २१ दलले सहभागीताका लागि आवेदन दिएका हुन् ।
आयोगले दिएको समयअनुसार दल दर्ता गर्ने अन्तिम दिन शुक्रबारसम्म २१ वटा राजनीतिक दलले दर्ताका लागि आवेदन दिएका निर्वाचन आयोगका प्रवक्ता नवराज ढकालले जानकारी दिए ।
वाम गठबन्धनमा भागबन्डा– वाम गठबन्धनले यसअघिकै जस्तै ६०÷४० प्रतिशतका आधारमा भागबन्डाको तयारी गरेको छ । एमाले र माओवादी केन्द्रले राष्ट्रिय सभाको उम्मेदवार, प्रदेश सरकार गठनलगायत विषयमा मापदण्ड तयार गर्न बनाएको कार्यदलले राष्ट्रिय सभाको चुनाव, प्रदेश मुख्यमन्त्री र सभामुख पदमा पनि विगतमा जस्तै भागबन्डा गर्ने गरी छलफल अघि बढाएको हो ।
कार्यदलको शुक्रबार बसेको बैठकले चारवटा आधार तयार बनाएर छलफल गर्ने निष्कर्ष निकालेको छ । प्रदेशगत रूपमा पार्टीको अवस्था, पार्टी एकताको भावना, सम्बन्धित पदका लागि आवश्यक योग्यता र समावेशी सन्तुलनलाई ख्याल गरेर उम्मेदवार तय हुने कार्यदलका सदस्य एवं एमाले नेता सुवास नेम्बाङले जानकारी दिए ।
एमालेको निर्णय– नेकपा एमाले राष्ट्रियसभा निर्वाचनका लागि उम्मेदवारको मापदण्ड र सिफारिशको विधि तय गरेको छ । केन्द्रीय कार्यालय धूम्रबाराहीमा शुक्रबार बसेको केन्द्रीय सचिवालयको बैठकले संविधानको धारा ८७ बमोजिमको योग्यता पुगेका, पार्टीमा लामो योगदान गरेका, पार्टीसँग वैचारिक आबद्धता राख्दै समाजसेवा, संस्कृति, कला, साहित्य, विज्ञान, प्रविधिलगायत सामाजिक क्षेत्रमा विशिष्ट योगदान पुर्याएकामध्येबाट भौगोलिक र सामाजिक सन्तुलनका आधारमा उम्मेदवारी चयन गर्ने निर्णय गरेको हो ।
प्रमाणपत्र सडकमा देखाउने होइन– प्रधानन्यायाधीश गोपाल पराजुलीले आफ्नो नागरिकता र शैक्षिक योग्यताको प्रमाणपत्रका बारेमा उठेका प्रश्नको संसदीय समितिमा जवाफ दिइसकेको प्रष्ट पारेका छन् । रुकुम पूर्वको जिल्ला अदालत उद्घाटन गर्दै उनले अहिले सडकमा कोही कराउँदैमा सडकमा प्रमाण देखाउँदै हिँड्न आवश्यक नरहेको बताए ।
अहिले केही विषयलाई लिएर न्यायपालिकाबारे अफवाह फैलाउने काम भए पनि सत्य कुरा बाहिर आएपछि सबै समस्याको समाधान हुने उनको भनाइ छ ।
यता, नेपाल बार एसोसिएनसले प्रधानन्यायाधीश गोपाल पराजुलीको बचाउ गर्दै अनशन तोड्न डा. गोविन्द केसीलाई आग्रह गरेको छ । शुक्रबार बसेको बारको कार्यसमिति बैठकले प्रधानन्यायाधीश पराजुलीलाई व्यक्तिगत रुपमा लान्छना लगाउने, अशिष्ट भाषा प्रयोग गर्ने र आफ्नो अनुकूल फैसला नआएसम्म प्रधानन्यायाधीशको राजीनामा माग गर्ने अनशनरत डा केसीका कार्यप्रति ध्यानाकर्षण भएको जनाएको छ ।
मन्त्रिपरिषदको निर्णय– सरकारले ३८ बर्षअघि खोकु छिन्ताङ घटनामा मारिएका १६ जनालाई शहीद घोषणा गर्ने निर्णय गरेको छ । मन्त्रिपरिषद्को शुक्रबार बसको बैठकले धनकुटाको खोकु छिन्ताङमा भएको घटनामा मारिएकाहरुलाई शहिद घोषणा गरेको सरकारका प्रवक्ता एवं सूचना तथा सञ्चारमन्त्री मोहनबहादुर बस्नेतले जानकारी दिए ।
बैठकले वैशाख १ देखि आर्थिक गणना गर्न २०७५ सूचित आदेश जारी गर्ने निर्णय पनि गरेको छ ।
माओबादीले सरकार छाड्यो– झण्डै तीन महिनादेखि विना विभागीय भूमिकामा रहेका माओवादी केन्द्रका मन्त्रीहरुले शुक्रबार औपचारिक रुपमा सरकार छाडेका छन् । आफ्ना मन्त्रीहरुले सरकार छाडेको जानकारीसहितको पत्र नेता गिरिराजमणि पोखरेलले प्रधानमन्त्री शेरबहादुर देउवालाई बुझाए ।
अध्यक्ष पुष्पकमल दहाल प्रचण्डको पत्रमा आफ्ना मन्त्रीहरुलाई फिर्ता बोलाइएको जानकारीका साथै सरकारले जनादेशअनुसार नयाँ सरकार गठनका लागि आवश्यक वातावरण बनाउन पहल नगरेको गुनासो गरिएको छ ।
रणनीति सार्वजनिक– स्वास्थ्य मन्त्रालयले सूर्तीजन्य पदार्थको प्रयोगमा कमी ल्याउन ‘सूर्तीजन्य पदार्थ नियन्त्रण महासन्धि, २०३० रणनीति’ सार्वजनिक गरेको छ । राष्ट्रिय स्वास्थ्य शिक्षा, सूचना तथा सञ्चार केन्द्रले तयार पारेको महत्वकाङ्कक्षी रणनीति शुक्रबार सार्वजनिक गरेको हो ।
रणनीतिले नीति निर्माता, सेवा प्रदायक, यससँग सम्बन्धित मन्त्रालय, निकाय एवं राष्ट्रिय तथा अन्तर्राष्ट्रिय गैरसरकारी संस्थालाई सूर्तीजन्य पदार्थ नियन्त्रण कार्यक्रम विकास र कार्यान्वयनमा मार्गदर्शन गर्नेछ ।
ट्याक्सी भाडा– पोखरा महानगरमा सञ्चालित ट्याक्सीहरुले अब मिटरमै यात्रुहरुलाई सेवा दिने भएका छन् । शुक्रबार जिल्ला प्रशासन कार्यालय कास्कीमा भएको छलफलमा ट्याक्सी व्यवसायीहरु मिटर प्रणालीमा जान सहमत भएका हुन् ।
पोखरामा हालसम्म सञ्चालित ट्याक्सीहरुले मनलाग्दी भाडा लिने गरेको थिए । अब भने १४ रुपैयाँबाट शुरु हुने भाडादर प्रतिकिलोमिटर ५० रुपैयाँ मात्र पर्नेछ ।
विदेशका खबर– न्यायलयमा भएको अनियमिततालाई लिएर भारतमा सर्वोच्च अदालतका चार न्यायाधीश प्रधानन्यायधीशविरुद्ध उत्रिएका छन् । उनीहरुले शुक्रबार पत्रकार सम्मेलन गर्दै प्रधानन्यायधी दीपक मिश्रमाथि महाअभियोग लगाउने वा नलागाउने बिषयमा देशले निर्णय गर्ने बेला आएको बताएका छन् ।
न्यायाधीशहरु जे चेलमेश्वर, रञ्नज गोगोई, मदन लोकुर र करियन जोसेफ प्रधानन्यायाधीश विरुद्ध उभिएका हुन् ।
यसैबीच, भारतले पहिलो पटक अन्तरिक्षमा रकेट प्रक्षेपण गरेको छ । भारतले ३१ वटा भू–उपग्रहसहितको रकेट आन्ध्र प्रदेश राज्यबाट अन्तरिक्षतर्फ पठाएको बताइएको छ ।
खेल खबर– मनाङ मस्र्याङदी क्लब धनगढीमा जारी सुदुपश्चिम खप्तड गोल्डकप फुटबल प्रतियोगिताको सेमिफाइनलमा प्रवेश गरेको छ । क्वार्टरफाइनल खेलमा शुक्रबार रुपन्देही ११ लाई ४–० गोलअन्तरले पराजित गर्दै मनाङ मस्र्याङ्दीले अन्तिम चारमा स्थान बनाएको छ । मनाङले अब सेमिफाइनलमा नेपाल आर्मीसँग खेल्नेछ ।
–नेपाली सेनाका दिनेश श्रेष्ठले नयाँ कीर्तिमान बनाएका छन् । राखेप च्याम्पियनसिप २०७४ अन्तर्गतको २३ औं पुरुष तथा आठौं महिला राष्ट्रिय भारोत्तोलन च्याम्पियनसिपमा १०५ केजी तौलमा स्नाच तर्फको १९ वर्ष अघिको कीर्तिमानलाई भंग गर्दै उनले नयाँ राष्ट्रिय कीर्तिमान बनाएका हुन् ।
उनले स्नाचमा १ सय २१ किलो तौल उठाए । यसअघि मदन शिवभक्तिको नाममा १ सय २० केजीको कीर्तिमान कायम थियो ।
भैहवाबाट झण्डै २० किलोमिटर पश्चिममा छ रुपन्देहीको सियारी–५ मा बैदौली गाउँ । सोही गाउँकी ३३ वर्षीया सावित्रा खरेल खनाल आमा बन्ने खुसीको मुखैमा थिइन् । विवाह गरेको दुई वर्ष मात्रै पुग्नै लाग्दा सावित्रा आम...
उदयपुरमा २१ वर्षीया युवतीलाई बलात्कार गरेको आरोपमा एक जना पक्राउ परेका छन् । पक्राउ पर्नेमा लिम्चुङबुङ गाउँपालिका १ बाँस्बोटेका २५ वर्षीय टवीन्द्र राई रहेका छन् । उनलाई आइतवार दिउँसो पक्राउ गरिएको प्रहर...
बाराको कलैया उपमहानरपालिका–६ मदर्सा टोलमा रहेको बाल एकता इंग्लिस बोर्डिङ स्कूलका प्रिन्सिपल गुड्डु भनिने रुपेश स्वर्णकारको हत्याका मुख्य योजनाका सोही विद्यालयकी पूर्वशिक्षिका तथा लेखापाल राधा गुप्ता रहेको ख...
आफूलाई ‘लिटिल बुद्ध’ भनेर दाबी गर्ने रामबहादुर बम्जन पक्राउ परेपछि उनीबारे नयाँ–नयाँ तथ्य सार्वजनिक भइरहेका छन् । प्रहरीले उनलाई मंगलबार साँझ ७ बजे काठमाडौंको बूढानीलकण्ठस्थित निवास...
नेपाली सेनाका कर्णेल कामेश्वर यादवको घरमा चोरी भएको छ । ललितपुर महानरपालिका–१८ भैँसेपाटीमा रहेको उनको घरबाट १९ लाख ४२ हजार ६ सय रुपैयाँसहित विभिन्न सामानहरू चोरी भएको जिल्ला प्रहरी परिसरका एसएस...
काठमाडौं उपत्यकामा भूकम्पको झड्का महसुस गरिएको छ । सोमवार अपरान्ह ४ बजेर ३३ मिनेटको समयमा भूकम्पको झड्का महसुस गरिएको हो । जाजरकोटको रामीडाँडा केन्द्रविन्दु भएर अपराह्न ४ बजेर ३१ मिनेटमा ५ दशमलव ८ रे...
सामान्यतः मानव समाजको आजसम्मको इतिहास जनयुद्धको इतिहास हो भन्दा फरक पर्दैन । किनकि, समयका प्रत्येक खण्डमा चाहे ती स्पाटाहरू होउन् या चार्टिष्टियन, सिलेसियाली होउन् या कम्युनाडोहरू अनि वोल्सेभिक–भियतकङ्&ndash...
रूढिवादी र पछौटे समाजले सधैँभरि अवतारको प्रतीक्षा गर्दछ । प्रतीक्षा गर्नेले आफू केही पनि कर्म गर्दैन र उसलाई पौरखमा त्यति विश्वास पनि हुँदैन । सामान्यतया व्यक्तिगत जीवनमा भाग्य र सामाजिक जीवनमा अवतारको प्रत...
कसैले आएर सत्य भनेको के हो ? भनेर सोध्यो भने हामी अलमलिन्छौँ । कसैले केही भनौँला कसैले केही । अझ कसैले त सत्य भनेको सत्य नै हो भन्न पनि बेर लगाउन्नौँ । तर सत्य त्यो मात्र होइन । सत्य भनेको हामी आफैँ हौँ । सत्य...