काठमाडौं, १ माघ– योगका आफ्नै नियम छन् । विधि नपुर्‍याई योग गर्दा मानिसको स्वास्थ्यमा असर पनि पुग्न सक्छ । तपाई गोग गर्न जादै हुनुहुन्छ भने त्यसभन्दा पिहले यस्ता  कुरामा ध्यान दिन जरुरी छ ।

-योग गर्दा लुगा खुकुलो एवं सजिलो हुनुपर्छ । योग गर्ने आसन पनि सजिलो छान्नु जरुरी हुन्छ । शान्त, सफा, हावादार तथा न्यानो ठाउँमा अभ्यास गर्नुपर्छ । 

-हरेक दिन एउटै समय पारेर कम्तीमा २० मिनेट योगअभ्यास गर्दा स्वास्थ्यलाई फाइदा गर्छ । 

-योगबाट फाइदा लिन कमतीमा तीनदेखि ६ महिना नियमित अभ्यास गर्नुपर्छ । प्रत्येक योगासनको अवधि १५ सेकेन्डदेखि बिस्तारै बढाएर ३ मिनेटसम्म पुर्‍याउन सकिन्छ । 

-कुनै पनि आसन गर्दा शरीरलाई जर्बजस्ती गर्न हुँदैन । दीर्घरोग भएकाले योगविज्ञको सललाह लिएरमात्र अभ्यास गर्नुपर्छ । 

-बिहानको नित्यकर्म सकेर मात्र योग अभ्यास गर्नु बढी लाभदायक हुन्छ । योग सकेपछि नुहाउँदा राम्रो हुन्छ । 

-योग गर्दा तनको साथमा मनलाई पनि स्वच्छ राख्न जरुरी हुन्छ । त्यसैले योग गर्नु पहिले दिमागका सबै विकार हटाउन जरुरी हुन्छ । 

-योग अभ्यास धैर्य र दृढताका साथ गर्नु पर्छ । 

-योग अभ्याको अन्त्यमा सधैं शवासन गर्न आवशयक हुन्छ ।

-खाली पेट योग गर्नु निकै लाभदायक मानिन्छ । कहिल्यै पनि पेट टन्न भएको समयमा योग गर्नु हुँदैन । योग अभ्यास गरेको आधा घण्टाजति पछि  खाना खानु उपयुक्त मानिन्छ । 

नयाँ पत्रिकाबाट