काठमाडौं, १ माघ– प्रदर्शनको तयारीमा रहेको ‘शत्रु गते’ महँगोमा बिक्री भएको छ । चैत्र ९ गते प्रदर्शनको तयारीमा रहेको शत्रु गतेलाई ओएसआर डिजिटलले १ करोड ११ लाखमा खरिद गरेको बताइएको छ । 

यो चलचित्रको डिजिटल र ओभरसिज राइट्स किनेको बताइएको छ । जुन अहिले सम्मको महँगो हो । प्रदिप भट्टराईको निर्देशन रहेको चलचित्रलाई कलाकार किरण केसीले निर्माण गरेका हुन् । 

महसंचारले प्रस्तुत गरेको चलचित्रमा मदनकृष्ण श्रेष्ठ, हरिवंश आचार्य, दिपकराज गिरी, दीपाश्री निरौला, प्रियंका कार्की, पल शाह, आँचल शर्मा लगायतका कलाकारको अभिनय छ ।