काठमाडौं, ४ माघ — फ्लाइटमा यात्राका बेलामा निर्धारित तौलभन्दा बढी लाँदा त्यसको बेग्लै भाडा दिनुपर्ने हुन्छ । यो भाडा तिर्नु नपरोस् भनी एक व्यक्तिले गरेको प्रयासका बारेमा थाहा पाउँदा हाँसो उठ्छ । 

रेयान कोर्ने विलियम्स नामक व्यक्तिले १० जोर कपडा लगाएर लगेज कम गराउने प्रयास गरेका थिए । विलियम्सलाई आइसल्यान्डबाट लन्डन आउने क्रममा ब्रिटिश एयरवेजबाट उड्नका लागि बोर्डिङ पास दिइएन । 

सामानको भाडा बचाउन उनले आठ जोडी प्यान्ट र १० वटा शर्ट लगाएका थिए । त्यसैले उनलाई फ्लाइटमा बस्न दिइएन । विलियम्सले आफ्नो सामाजिक सञ्जालको पेजमा यो जातीय विभेदको विषय भएको लेखे । ब्रिटिश एयरवेजले चाहिँ यो जातीय विभेदको कुरै नभएको भनी सफाइ दियो । 

विलियम्सले ईजी जेटको अर्को उडानबाट लन्डन जाने कोशिश गरेको भएपनि उसलाई अनुमति दिइएन । उनले दुईवटा विमानमा अकारण आफूलाई उड्न नदिइएको भन्दै ट्वीट गरे । 

अन्ततोगत्वा उनले नर्वे एयरलाइन्सको विमानमा लन्डनसम्मको उडान भरे । 

यति धेरै कपडा लगाएका कारण विमानको यात्रा गर्न नपाउने विलियम्स पहिलो यात्रु होइनन् । यसअघि स्कटल्यान्डका गायक जेम्स म्याकएल्भरले १२ जोडी कपडा लगाएर सन् २०१५ मा लन्डनबाट ग्लास्गोको फ्लाइटमा चढेका थिए र बेहोश भएका थिए । 

एजेन्सी