काठमाडौं, ५ माघ — नेपाल क्रेडिट एन्ड कमर्स (एनसीसी) बैंक लिमिटेडको भण्डन देउपुर नगरपालिका, वडा नं. ६ को सिपाघाट, काभ्रेपलान्चोकस्थित नयाँ शाखाको समुद्घाटन सूचना तथा सञ्चारमन्त्री एवं बैंकका पूर्व सञ्चालक मोहनबहादुर बस्नेतले शुक्रवार गरे । 

उक्त समुद्घाटन समारोहको सभापतित्व बैंकका सञ्चालक समितिका अध्यक्ष उपेन्द्रकेशरी न्यौपानेज्यूले गरेका थिए । बैंकका प्रमुख कार्यकारी अधिकृत रमेशराज अर्यालले सिपाघाट क्षेत्रमा बैंकिङ सेवा प्रदान गर्ने उद्देश्यले शाखा विस्तार गरिएको जानकारी गराए ।

शाखाको समुद्घाटन समारोहमा मण्डन देउपुर नगरपालिकाका प्रमुख एवं स्थानीय निकायका जनप्रतिनिधिहरूले एनसीसी बैंकको शाखा स्थापनाको स्वागत गर्दे बैंक तथा सिपाघाट क्षेत्रका सर्वसाधारणबीच सुमधुर सम्बन्ध रहने विचार व्यक्त गरे  ।