काठमाडौं, ६ माघ- नेपाली कांग्रेसको केन्द्रीय समिति बैठकमा शीर्ष नेतृत्वबीच नै जुहारी चलेको छ । पार्टी नेतृत्वका विषयमा बैठकमा नेताहरूबीच नै घोचपेचसहित जुहारी चलेको हो । बिहीबारबाट बालुवाटारमा सुरु केन्द्रीय समिति बैठकमा राष्ट्रिय सभा निर्वाचनका उम्मेदवार तथा तयारीका विषयमा छलफल गर्नेे एजेन्डा मुख्य भए पनि शीर्षस्थ नेताहरूबीच नै निर्वाचन परिणामलाई लिएर घोचपेच भएकोे हो ।

शुक्रबारको बैठकमा पूर्वमहामन्त्री प्रकाशमान सिंहले पार्टी सभापति शेरबहादुर देउवालाई नेतृत्वमा बसेर मनपरी गरेको र दुई–चार नेतालाई बोकेर आफैं गुट बनाएको आरोप लगाए । उनले बैठकमा नै पार्टीलाई जथाभावी तरिकाले सञ्चालन गरेर गल्ती गर्ने तर कारबाहीको धम्की अरूलाई दिने भन्दै सभापतिलाई कारबाही गरेर देखाउन चुनौती दिए, राजधानी दैनिकमा खबर छ  ।