काठमाडौं, १४ माघ– अक्षयकुमार ‘गुलसनकुमार’ बायोपिकबाट बाहिरिएका छन् । केही समयअघि गुलसनकुमारको बायोपिकको स्क्रिप्टमा काम गरिरहेको बताएका अक्षयले अन्ततः फिल्म छोडेको खबर गर्ने बताइएको छ । 
उनले फिल्ममा मुख्य भूमिका निभाउन सक्ने समेत समाचार छ । त्यसो त अक्षयले छोडेको यो नै पहिलो फिल्म होइन । यसअघि पनि विभिन्न फिल्म छोडेका छन् । 

भाग मिल्ला भाग
निर्देशक राकेश ओमप्रकाशको मेहरा र मिल्खा सिंह चाहान्थे, यो फिल्म अक्षयकुमारले गरुन् । तर, अक्षय यो फिल्मको स्क्रिप्टमा सन्तुष्ट थिएनन् । तयसैले छाडिदिए ।

बाजिगर
शाहरुख खानको ब्लकबस्टर फिल्म हो, बाजिगर । तर  शाहरुखको जिम्मामा आउनुअघि यो फिल्म पनि सल्मान खान हुँदै अक्षयकुमारसम्म आएको थियो । तर दुवै अभिनेताले प्रस्तावलाई अस्वीकार गरिदिए ।

रेस
फिल्म रेसका लागि अब्बास मस्तानले पहिले अक्षयकुमारलाई प्रस्ताव गरेका थिए । तर, उनले यो फिल्म पनि छाडे । अक्षयले छाडेपछि मात्रै सैफअली खान फिल्ममा मुख्य भूमिकामा रहे ।

सुपर ३० 
आनन्दकुमारको बायोपिक सुपर ३० का लागि अक्षयकुमारलाई प्रस्ताव गरिएको थियो । तर, उनले अस्वीकार गरे । अहिले यो फिल्मका लागि रितिक रोशनले मुख्य भूमिका निभाउने पक्का भएको छ । 

नयाँ पत्रिकाबाट ।