काठमाडौं, १५ माघ- एन आई सी एशिया बैंक लिमिटेडले चालु आर्थिक वर्ष २०७४/०७५ को दोस्रो त्रैमासिकमा सम्भावित नोक्सानी अघिको सञ्चालन मुनाफामा २५ प्रतिशतको वृद्धि हासिल गरेको छ । बैंकले गत वर्षको सोही अवधिको ० दशमलव ८९ अर्ब मुनाफाको तुलनामा चालु वर्ष १ खर्ब १२ अर्ब सञ्चालन मुनाफा आर्जन गरेको छ । सञ्चालन मुनाफाले उक्त संस्थाले आफ्नो मुख्य सञ्चालन कारोवार मार्फत आर्जन गरेको मुनाफा तथा उक्त मुनाफाको स्वस्थ वृद्धिले संस्थाको दीर्घकालीनात्मक सञ्चालनको प्रत्याभूति प्रतिबिम्बित गर्दछ ।

साधारणतया, कर्जा नोक्सानी व्यवस्थामा हुने घटबढ तथा उक्त व्यवस्थाबाट फिर्ताले बैंकको खुद मुनाफामा उल्लेख्य प्रभाव पार्ने गर्दछ । गत वर्षको सोही अवधिमा कर्जा नोक्सानी व्यवस्थाबाट उल्लेख्य फिर्ता ३२ दशमलव ८३ करोड भएको हुनाले ७२ दशमलव १४ करोड खुद मुनाफा भएकोमा चालु आ।व। को दोस्रो त्रैमासिकमा बंैकले ५७ दशमलव १७ करोड खुद मुनाफा आर्जन गर्ने सफल भएको छ । चालु आव मा बैंकको सञ्चालन मुनाफामा भएको स्वस्थ वृद्धि तथा कर्जामा उल्लेख्य वृद्धिका कारणले असल कर्जाको कर्जा नोक्सानी व्यवस्थामा रु ३६ करोडको वृद्धिका वावजुद पनि बैंकले दोस्रो त्रैमासिकमा आर्जन गरेको खुद मुनाफा उत्साहजनक रहेको छ । बंैकको रु १४० अर्ब बराबरको वासलात आकार  तथा खुद व्याजदर अन्तरमा निरन्तर सुधारका कारण बंैकले आगामी त्रैमासिकहरुमा मुनाफामा उत्साहजनक वृद्धि हासिल गर्ने अपेक्षा गरेको छ ।

वार्षिक विन्दुका आधारमा बंैकले आफ्नो कर्जामा रु ३५ अर्बबाट १०२ दशमलव २० अर्ब तथा निक्षेपतर्फ  ४१ दशमलव ४० अर्ब बाट रु १२० दशमलव ४६ अर्बको वृद्धि हासिल गरेको छ, जुन नेपाली बंैकिङ्ग ईतिहासमा कुनै पनि बैंकले वार्षिक विन्दुका आधारमा हासिल गरेको वृद्धिका हिसाबले हाल सम्मकै उच्च वृद्धि रहेको बैंकले जनाएको छ ।