काठमाडौं, २८ माघ — अक्षय कुमारको फिल्म प्याडम्यान दर्शकहरूले खुबै रुचाइरहेका छन् । गत शुक्रवार रिलिज भएको फिल्मले दुई दिनमा २४ करोड भारु कमाइसकेको छ । 

शुक्रवार १०.२६ करोड भारु कमाएको प्याडम्यानले दोस्रो दिन ३५ प्रतिशत बढी कमाइ गर्दै शनिवार १३.६८ करोड भारु कमायो । यसरी फिल्मले २३.९४ करोड भारु कमाइसकेको छ । 
फिल्मले आइतवार झन् राम्रो कमाइ गर्ने सम्भावना रहेको व्यापार विश्लेषकहरू बताउँछन् । 

सोलो रिलिज भएकाले प्याडम्यानको भाग्य बक्स अफिसमा चम्किने लक्षण देखिँदैछ । फिल्मलाई सोलो रिलिजले पक्कै फाइदा गर्नेछ । यसअघि प्याडम्यान अय्यारीसँग जुध्ने स्थितिमा रहेको भएपनि अय्यारी अब आउने शुक्रवार मात्र
रिलिज हुने भएको छ । 

फिल्मले सामाजिक सञ्जालमा राम्रो प्रचार पायो । ह्याशट्याग प्याडम्यानच्यालेन्ज सामाजिक सञ्जालमा खुबै ट्रेन्ड भयो जसमा मनोरञ्जन, खेल र अन्य क्षेत्रका हस्तीहरू सहभागी भए । 

विशेषगरी महिलाहरुले फिल्म खुबै रचाएको बताइँदैछ । 

दर्शकहरूलाई मनोरञ्जन दिइरहेको यो फिल्म कानस्नी झमेलामा चाहिँ फसेको छ । लेखक रिपुदमन जायसवालले अक्षय कुमारमाथि आफ्नो स्क्रिप्ट चोरेको आरोप लगाउँदै एफआईआर दर्ता गराएका छन् । खबरअनुसार, उनले
फिल्मको स्क्रिप्ट धर्मा प्रोडक्सनलाई दिएका थिए अनि उनकै स्क्रिप्टमा दृश्यहरू चोरेर फिल्मा हालिएको आरोप उनले लगाएका छन् । 

एजेन्सी