दक्षिण कोरियामा सुन्दरीहरू पठाएर उत्तरले कुनै चाल चल्दै त छैन ?

फागुन २, २०७४

काठमाडौं, २ फागुन — युद्धमा शत्रुहरूलाई हराउनका लागि अनेकौं हत्कण्डा अपनाइन्छन् । उत्तर कोरियाले पनि लगातार युद्धको धम्की दिइरहेको हुन्छ । 

अब त्यही युद्ध जित्नका लागि उसले नयाँ चाल चलेको हो त ? उसले देशका महिलालाई गोप्य हतियारका रूपमा प्रयोग गरेको हो ? त्यसैले उत्तरका सर्वोच्च नेता किम जोङ–उनले आफ्नी पुरानी प्रेमिका अनि आफ्नी बहिनीलाई
शीतकालीन ओलम्पिकका अवसरमा दक्षिण कोरिया पठाएका हुन् त ? 

किमले संसारको ध्यान तान्नका लागि क्षेप्यास्त्र प्रहार गरिरहनुपर्छ भन्ने छैन । उनीसँग अन्य शक्तिशाली हतिया पनि छन् । ती हतियार उनको टोलीमा रहेका महिला पनि हुन् । 

उत्तरले ओलम्पिकमा चीयरलीडरहरू पनि पठाएको छ । ती चीयरलीडरले आफ्नो देशको झण्डाका साथ प्रदर्शन गरेका थिए । दक्षिणका दर्शकले यी प्रदर्शनलाई रुचाए पनि । 

केही हप्ताअघि ओलम्पिक खेलको तयारीका बारेमा बुझ्नका लागि नै किमकी पूर्वप्रेमिका ह्योन सोङ वोल दक्षिण कोरिया पुगेकी थिइन् । 

ओलम्पिकका कारण उत्तरले दक्षिणप्रति नरम दृष्टिकोण राखेको छ । तर विश्लेषकहरूका अनुसार, उत्तर कोरियाले ओलम्पिक कूटनीति देखाएर आफूविरुद्धको अन्तर्राष्ट्रिय प्रतिबन्ध घटाउन खोजेको अनि अमेरिका तथा दक्षिण
कोरियाबीचको साझेदारीलाई कमजोर बनाउन खोजेका हुन् । त्यसैअन्तर्गत उसले सुन्दरीहरूको उपयोग गरेको हुनसक्छ । 

एजेन्सी

फागुन २, २०७४ मा प्रकाशित

प्रतिक्रिया दिनुहोस