फिलिपिन्सका राष्ट्रपतिको अर्को विवादास्पद बयान, विद्रोही महिलाको गुप्तांगमा गोली हान्नू

फागुन २, २०७४

काठमाडौं, २ फागुन — विवादास्पद टिप्पणी र आदेशका कारण चर्चामा रहने फिलिपिन्सका राष्ट्रपति रोड्रिगो दुतेर्तेले हालै एक नयाँ आदेश दिएर विवाद निम्त्याएका छन् । 

दुतेर्तेले सेनाका जवानलाई महिला विद्रोहीका गुप्तांगमा गोली हानिदिए हुन्छ भने । एक हप्ताअघि दुतेर्ते हीरोज हलमा पूर्वकम्युनिस्ट विद्रोहीलाई सम्बोधन गर्दै यो कुरा भनेका हुन् । 

सैनिकहरूले विद्रोही महिलाहरूलाई सीधै मार्नुभन्दा गुप्तांगमा गोली हानेमा उनीहरू गुप्तांगविना केही काम नलाग्ने हुने दुतेर्तेको भनाइ थियो । 

राष्ट्रपतिको पब्लिक रिलेसन्स अफिसले छापेको रिपोर्टमा गुप्तांगको ठाउँमा ड्याश लगाइएको थियो । दुतेर्तेले परिवार छोडेर कम्युनिस्ट आन्दोलनमा लाग्ने महिलालाई निन्दा गरेको भनी रिपोर्टमा लेखियो । 

सत्तामा आएपछि दुतेर्तेले लागूऔषध सेवन गर्ने र बेच्नेहरूलाई तारो बनाइरहेका छन् । 

यसअघि उनले विद्रोही महिलाहरूलाई बलात्कार गरिदिए हुन्छ समेत भनेका थिए । 

फिलिपिन्समा आउने व्यक्तिहरूलाई आफूले ४२ अप्सराका साथ स्वागत गर्ने समेत उनले भनेका थिए । 

एजेन्सी
 

फागुन २, २०७४ मा प्रकाशित

प्रतिक्रिया दिनुहोस

ताजा समाचार