काठमाडौं, ३ फागुन — जाडोमा तपाईं आईसक्रीम खान हिचकिचाउनुहुन्छ भने स्कटल्यान्डको एउटा क्याफे जानुस् । त्यहाँ बनेको विशेष आईसक्रीमले तपाईंका शरीरका सबै हड्डी तताइदिन्छ । 

स्कटल्यान्डको अल्दविच क्याफेले रेस्पाएरो डेल डियावोलो नामक विशेष आईसक्रीम बनाएको छ । यो यति पीरो र मसलायुक्त छ कि यसलाई खानका लागि अनेकौं शर्त राखिएको छ । 

क्याफेले एउटा डिस्क्लेमर जारी गर्दै भनेको छ ः आईसक्रीम खाँदा हानि, बिरामी र ज्यान जानेसम्मको खतरा छ ।

अठार वर्षभन्दा मुनिकाले यो आईसक्रीम किन्न पाउँदैनन् । आईसक्रीम किन्नुअघि कानूनी कागजातमा हस्ताक्षर गर्नुपर्छ । 

आईसक्रीममा प्रयोग भएको खुर्सानी सामान्यभन्दा ५०० गुना पीरो छ । आईसक्रीम दिने स्टाफले हातमा पञ्जा लगाएर मात्र दिन्छन् । 

यो आईसक्रीमको एक कपको मूल्य २८५ रुपैयाँ छ ।

आईसक्रीम पारम्परिक इटालियन रेसिपीबाट बनेको हो । सन् १९३६ मा रेसिपी लेखिएको थियो । त्यसमा घरमा दिनदिनै प्रयोग हुने सामान नै छन् । 

क्याफेका अनुसार, स्कटल्यान्डमा यस्तो पहिलो खालको आईसक्रीम हो । यसको रेसिपी गोप्य राखिएको छ । क्याफेका मालिकका सन्तानलाई पनि त्यसको बारेमा थाहा छैन । 

आईसक्रीमको नाम शैतानको सास राखिएको छ । बाइबलमा शैतानले आगो ओकल्ने वर्णन गरेको पाइन्छ । यो पीरो आईसक्रीम खानु आगो बलेजत्तिकै हुन्छ ।

एजेन्सी