काठमाडौं, ६ फागुन — अमेरिकाको एक अदालतले चिकित्सकको लापरवाहीका कारण पीडित बनेकी एक महिलाको परिवारलाई दिइनुपर्ने दुई करोड डलर क्षतिपूर्तिलाई रोकिदिएको छ । 

यो सामान्य लापरवाही भएको र क्षतिपूर्तिको यति ठूलो राशि यसका लागि आवश्यक नरहेको अदालतले तर्क दियो । 

भारतीय मूलकी विमला नैयरलाई सन् २०१२ को जनवरी महीनामा ओकवूड हेल्थकेयरको डीयरबोर्न अस्पतालमा भर्ना गरिएको थियो । उनी त्यहाँ दाह्रा देखाउन नियमित रूपमा जाने गर्थिन् । 

तर त्यहाँका चिकित्सकले अनावश्यक रूपमा उनको ब्रेन सर्जरी गरिदिए र पछि महिलाको मृत्यु भयो । 

द वाशिङटन पोस्टमा प्रकाशित समाचारअनुसार, उक्त घटनापछि ती महिला दुई महीनासम्म जीवन र मृत्युका बीच झुलिरहिन् । 

सन् २०१५ मा शुरू अदालतले उनीमाथि न्याय गर्दै नैयर परिवारलाई दुई करोड डलर क्षतिपूर्ति दिलाउने फैसला ग–यो । 

तर मिसिगनको उच्च अदालतले यो मुद्दामा एक डलर पनि दिनु नपर्ने फैसला गरिदियो । पीडित परिवारको वकिलको दाबीलाई गलत ठह–याउँदै अदालतले यसमा अस्पतालको ठूलो लापरवाही नरहेको बतायो । 

यो मृत्यु सामान्य लापरवाहीका कारण भएको र यसमा क्षतिपूर्ति दिइरहनु नपर्ने अदालतको फैसला रह्यो । पीडितको वकिलले लापरवाहीभन्दा पनि चिकित्सकीय कदाचारको तर्क दिएको भए क्षतिपूर्तिको यति ठूलो राशि दिन उचित हुने
अदालतले बतायो । 

एजेन्सी