काठमाडौं, ६ फागुन — क्यानडाका प्रधानमन्त्री जस्टिन त्रुदो अहिले भारत यात्रामा छन् । पत्नी सोफी जर्जिया र तीन बच्चाहरूका उनी भारतमा छन् । 

तर यात्राभन्दा ठीक पहिले उनको पत्नीसँग पारपाचुके भएको हल्ला फैलियो । अचम्मको कुरा त त्रुदोले आफ्नी पत्नीसँग नभई जेनिफर एनिस्टनसँग पारपाचुके गरेको हल्ला चल्यो जबकि एनिस्टनसँग उनको विवाह नै भएको छैन । 

खासमा एक ट्विटर युजरको गल्तीका कारण यसो भएको थियो । ती युजरले जस्टिन थेरोको ठाउँमा जस्टिन त्रुदोको नाम लेख्दै उनी आफ्नी पत्नीसँग छुट्टिएको लेखिन् । 

Jennifer Aniston and Justin Trudeau are splitting up. I did not even know that she’s the first lady of Canada. Sad.

— Alma Moreno (@Loveliness14344) February 16, 2018

हलिउड अभिनेता जस्टिन थेरोले पत्नी अभिनेत्री जेनिफर एनिस्टनसँग छुट्टिएको कुरा चार दिनअघि घोषणा गरेका थिए । 

ती प्रयोगकर्ताले थेरो र त्रुदोको थरमा झुक्किँदा हल्ला चल्यो । अहिले ट्विटरमा यसबारेमा खुबै बहस भइरहेको छ । 

एजेन्सी
 

---

---