काठमाडौं ८ फागुन नेत्र विक्रम चन्द विप्लव नेतृत्वको नेकपा माओवादीले आह्वान गरेको बन्दका कारण मंगलवार देशभरको जनजीवन प्रभावित भयो । नेकपाका कार्यकर्ताले काठमाडौं लगायत देशका विभिन्न भागमा बम र बिस्फोटक पदार्थ राखे । 

काठमाडौंको तीनकुने स्थित प्रहरी कार्यालय नजिकै पुलमा राखिएको बमका कारण मंगलवार दिउसो सो क्षेत्रमा सर्वसाधारणमा त्रास फैलियो । बमका कारण झण्डै दुइ घण्टा सवारी साधनको आवागमन रोकियो । 
नेपाली सेनाको बम डिस्पोजल टोलीले दिउसो साढे २ बजेको समयमा बम निष्कृय बनायो । पुलमा राखिएको बमका कारण त्यस क्षेत्रमा त्रास फैलिएको थियो । 

पोखरामा भएको विस्फोटमा पत्रकार घाइते भएका छन् ।