मंसिर १०, २०८०
सरकारमा सहभागी मन्त्रीको कार्यक्षमतालाई लिएर प्रश्न उठेपछि अहिले सरकारमा रहेका मन्त्रीलाई फिर्ता बोलाएर मन्त्रिमण्डल पुनर्गठन गर्न सत्तारुढ दलहरूभित्र दबाब बढ्न थालेको छ । अपवादबाहेक सरकारमा सहभागी मन्त्रीले जनअपे...
काठमाडौं, ११ फागुन — भारतमा विपक्षी दल कांग्रेसका नेता मणिशंकर अय्यरले एनडीटीभीको अन्लाइन संस्करणमा बिहीवार एउटा लामो लेख प्रकाशित गर्दै नेपाललाई भारत र चीनबीचको पुल बनाउनुपर्ने बताएका छन् ।
उनको लेखको भावानुवाद यसप्रकार छ :
२०७२ सालको असोज महीनामा मोदी सरकारले आफ्नो बेइज्जती मात्र गराएन, नेपालमा भारतको राष्ट्रिय स्वार्थलाई पनि ध्वस्त पा–यो ।
उत्तरतिरको छिमेकी नेपालप्रति हामी सुरक्षा र ऊर्जाको आवश्यकतामा निर्भर छौं । यो निर्भरता पारस्परिक छ ।
सुझबुझपूर्ण नेपालनीतिले नेपालका तर्फबाट पनि त्यस्तै दृष्टिकोण राख्न सहायता गर्छ । एक्काईसौं शताब्दीमा दुवै देश बराबर छन् । दुई देशबीचको साझेदारीलाई हामीले थप विस्तार गर्नुपर्छ ।
नेपालसँगको सम्बन्ध हाम्रो विदेशनीतिको सबभन्दा प्रमुख प्राथमिकता हुनुपर्छ । यसलाई संवेदनशीलताका साथ व्यवस्थापन गर्नुपर्छ र नेपाली जनताले हामीलाई विश्वास गरून् र हामीसँग एक्यबद्धता गरून् भनी सुनिश्चित गर्नुपर्छ ।
ऐतिहासिक रूपमा हामी आफ्ना स्वार्थलाई प्रवर्द्धन गर्नका लागि नेपाली कांग्रेसमा भर पर्ने गरेका थियौं । तर यसबीचमा हामीले एक राजनीतिक बललाई अर्कोसँग लडाउने काम ग–यौं अनि जासूसी संस्था रअमा बढी भर प–यौं । त्यसैले हामीले साथीलाई शत्रु बनायौं र शत्रुलाई साथी बनायौं ।
‘फुटाऊ र राज गर’ यो साम्राज्यवादी सोचका साथ नेपालको भाग्य निर्धारण गर्न खोज्दा हामीमाथि नेपाली जनताको आशंका र अविश्वास मात्र कायम रह्यो । नेपाली राजनीतिकर्मीको कुरा गर्दा उनीहरूले हाम्रो पैसा लिए अनि आफ्नै अवसरवादी खेल खेलिरहे ।
यी सब कारणले भारत र नेपालबीचको सम्बन्ध खलबलिरहेको भएपनि मोदी सरकारले २०७२ सालको असोजमा नेपालले संविधान जारी गर्ने बेलामा गरेको दुष्कर्मले सबै कुरा भताभुंग बनाइदियो । मोदीले विदेश सचिव एस जयशंकरलाई नेपाल पठाएर संविधानसभाबाट बनेको संविधान घोषणा गर्नबाट रोके ।
यस्तो भद्दा हस्तक्षेपका लागि मोदीका प्रवक्ताहरूले मधेसीको मागलाई बहाना बनाए । पहिलो कुरा त मधेसीका लागि मोदीले डण्डा उठाउनै पर्दैनथियो किनकि संविधानसभामा १३० जना त सभासद त मधेसी नै थिए र तीमध्ये एक दर्जन जतिले त संविधान पारित गर्नका लागि मत दिएका थिए । मोदीले जान्ने भएर पहाडीहरूलाई किन चिढ्याउनुपरेको ?
अर्को कुरा, नेपाल सरकार आफैंले मधेसीहरूको माग सम्बोधनका लागि संविधान संशोधन गर्ने भनेको थियो ।
नेपालीहरूलाई आफ्नो विषय आफैं सल्टाउन दिन नदिएर अनि बिहारको चुनाव जितिन्छ भन्ने आशाका साथ मोदीले बिहारमा रोटीबेटी सम्बन्ध भएका मधेसीको मुद्दा उठाउन चाहे । तिनै मधेसीको हितका लागि भन्दै मोदीले नेपालमा नाकाबन्दी लगाए जसले गर्दा भूकम्पबाट बौरिरहेका नेपालीहरूले दुःखको सागरमा डुब्नुप–यो ।
अन्ततोगत्वा नेपालमा अनेक हर्कत गरेपनि मोदी बिहारमा बेइज्जतीपूर्वक हारे । नेपालको आन्तरिक राजनीतिमा हस्तक्षेपलाई मत्थर पार्ने हिसाबमा शायद मोदीले काठमाडौंमा त्यस्ता राजदूत पठाए जसले स्थानीय, प्रादेशिक र संसदीय चुनावमा सक्रियता देखाएनन् ।
मोदीको क्रियाकलापबाट नेपाली कांग्रेसमा दाग लागेकाले नेपालीहरूले चुनावमा उसलाई पूरै बहिष्कार गरिदिए । अहिले दुई कम्युनिस्ट गुटहरू विजयी भएका छन् । अझ केपी शर्मा ओली विजेता ठहरिए । उनलाई रअमार्फत मोदी सरकारले हटाएको थियो ।
मोदी र उनका नेपाली चम्चेहरूलाई नेपालीहरूले यस्तोसँग त्यागिदिए कि नेपाली कांग्रेस त निर्वाचनमा ध्वस्त नै भयो, मोदीको पछि लागेका मधेसी राजनीतिकर्मीहरू कुना पसे अनि राजावादी हिन्दूवादी तत्त्वहरू निमिट्यान्नै भए । कम्युनिस्टहरूले मधेसमा समेत राम्रो प्रदर्शन गरेका छन् र मोदी, योगी आदित्यनाथ तथा संघ परिवारले मन पराएका तथाकथित मधेसी समूहभन्दा उनीहरूकै प्रदर्शन अब्बल रह्यो ।
अहिले त कमरेड ओली प्रधानमन्त्री बनेका छन् र दुई कम्युनिस्टको एकता भएर बनेको नेपाल कम्युनिस्ट पार्टीको प्रमुख बनेका छन् । संविधानले नै ओली सरकारविरुद्ध कम्तीमा दुई वर्षसम्म अविश्वासको प्रस्ताव ल्याउन रोकेको छ । एक दशकअघि राजतन्त्र फालेयता नेपालमा पूरै पाँच वर्ष टिक्ने सरकार बन्ने अपेक्षा धेरैले गरेका छन् ।
यी पाँच वर्षमा मोदी र उनीपछिको भारतीय सरकार ओलीले नेपाललाई पहिलेभन्दा बढी चीनतर्फ ढल्काएको हेर्न बाध्य हुनेछ । मोदीका कारण नेपालमा हाम्रो प्रभाव अहिले सर्वाधिक न्यून छ ।
अब त नेपाली कांग्रेस समेत भारतसँग सम्बन्ध राख्न हिचकिचाउनेछ । त्यसैले नेपालबाट चीनलाई बाहिरै राख्नका लागि हामीले परम्परागत रूपमा राखेको रणनीतिक प्राथमिकतालाई थप सशक्त बनाउन हामीसँग कुनै उपाय छैन ।
यस्तो बेलामा हामीले गर्नसक्ने सुझबुझपूर्ण कुरा के हो भने हामी नेपालको राजनीतिबाट पूरै हट्नुपर्छ अनि काठमाडौंमा रहेका हाम्रा राजदूतलाई गल्फ खेलेर बस्न भन्नुपर्छ । यसले नेपालीहरूलाई भारतप्रति आश्वस्त तुल्याउनेछ र दुई देशबीचका अनेकौं सम्पर्कसूत्रलाई मलजल गर्न सहायता गर्नेछ । चीनले नेपालमा जति बल लगाएपनि भारतसँगको जस्तो सम्बन्ध बनाउन सक्दैन ।
हामी नेपालमा चिनियाँहरूसँग शान्त सहअस्तित्वका साथ बस्न सिक्नुपर्छ । अग्ला हिमालयहरूले नेपाललाई भारतसँग छुट्टिएर आर्थिक तथा सांस्कृतिक आत्महत्या गर्ने अनुमति दिने छैनन् । भारत, चीन र नेपालबीचको त्रिपक्षीय सम्बन्धलाई बुद्धिमत्तापूर्वक अघि बढाउने हो भने हिन्दी–चीनी–नेपाली भाइ–भाइको सौहार्द्र आरम्भ गर्न सकिनेछ ।
समय बित्दै जाँदा हामीले एसियाको पुनरुत्थानका बारेमा नेहरुले दिनुभएको भिजनलाई ब्युँत्याउन सक्छौं । उक्त पुनरुत्थानले भारत, चीन र रक्त सागरदेखि प्रशान्त महासागरसम्म फैलिएको पूरै एसियालाई फेरि मानव सभ्यताको त्यही विकसित अवस्थामा पु–याउनेछ जुन अवस्थामा यो क्षेत्र पाँच हजार वर्षसम्म कायम थियो । साम्राज्यवादको युग तीन सय वर्षअघि आउनुअघिसम्म विश्वव्यापी सभ्यताको पुरोधा एसियाली सभ्यता नै थियो ।
अहिले त सबै साम्राज्यहरूमा सूर्य अस्ताइसकेको छ । अब भारत र चीन सँगै उभिने बेला भएको छ । यसका लागि नेपाल सम्पर्कसूत्र बनोस् ।
अनुवादक : विन्देश दहाल
सरकारमा सहभागी मन्त्रीको कार्यक्षमतालाई लिएर प्रश्न उठेपछि अहिले सरकारमा रहेका मन्त्रीलाई फिर्ता बोलाएर मन्त्रिमण्डल पुनर्गठन गर्न सत्तारुढ दलहरूभित्र दबाब बढ्न थालेको छ । अपवादबाहेक सरकारमा सहभागी मन्त्रीले जनअपे...
सर्वोच्च अदालतको परमादेशले प्रधानमन्त्रीबाट पदमुक्त भएपछि नेकपा एमालेका अध्यक्ष केपी शर्मा ओली बालुवाटारबाट रित्तो हात फर्केका थिए, २०७८ असार ३० गते । संसद् विघटनको अवगाल छँदै थियो, लामो समय सँगै राजनीति गर...
देशका विभिन्न शहरमा गरिब–मजदूरहरूले छाक काटेर सहकारीमा जम्मा गरेको पैसा बदनियतपूर्ण ढंगले हिनामिना गरेर टेलिभिजनमा लगानी गरेको विषयले बजार तातिरहेको छ, जसमा जोडिएका छन् रास्वपा सभापति रवि लामिछाने...
अन्तिम समयमा आएर कुनै फेरबदल नभएको खण्डमा सम्भवत: आज एनसेलको शेयर खरिद बिक्री सम्बन्धमा छानबिन गर्न सरकारले गठन गरेको समितिले आफ्नो अध्ययन प्रतिवेदन बुझाउने छ । बहस चरम उत्कर्षमा पुगेका कारण एक निजी कम्पनीको अप्...
एकाधबाहेक अधिकांश मन्त्रीले प्रभावकारी कार्यसम्पादन गर्न नसकेपछि प्रधानमन्त्री पुष्पकमल दाहाल ‘प्रचण्ड’ स्वयंले मन्त्रीहरूलाई प्रस्ट चेतावनी दिएका छन् । नेपालीलाई नक्कली भुटानी शरणार्थी बनाएर अमेरिका ला...
आफ्नो तेस्रो कार्यकालको दोस्रो वर्षलाई प्रभावकारी बनाउने भनी दाबी गरेका प्रधानमन्त्री पुष्पकमल दाहाल ‘प्रचण्ड’ले कांग्रेस महामन्त्री गगन थापालगायत केही नेतासँग नियमित सल्लाह सुझाव लिन थालेका छन् । रा...
सामान्यतः मानव समाजको आजसम्मको इतिहास जनयुद्धको इतिहास हो भन्दा फरक पर्दैन । किनकि, समयका प्रत्येक खण्डमा चाहे ती स्पाटाहरू होउन् या चार्टिष्टियन, सिलेसियाली होउन् या कम्युनाडोहरू अनि वोल्सेभिक–भियतकङ्&ndash...
रूढिवादी र पछौटे समाजले सधैँभरि अवतारको प्रतीक्षा गर्दछ । प्रतीक्षा गर्नेले आफू केही पनि कर्म गर्दैन र उसलाई पौरखमा त्यति विश्वास पनि हुँदैन । सामान्यतया व्यक्तिगत जीवनमा भाग्य र सामाजिक जीवनमा अवतारको प्रत...
कसैले आएर सत्य भनेको के हो ? भनेर सोध्यो भने हामी अलमलिन्छौँ । कसैले केही भनौँला कसैले केही । अझ कसैले त सत्य भनेको सत्य नै हो भन्न पनि बेर लगाउन्नौँ । तर सत्य त्यो मात्र होइन । सत्य भनेको हामी आफैँ हौँ । सत्य...