विराटनगर, १३ फागुन– व्यवसायीहरुले उद्योगमैत्री नीति बन्न नसकेको गुनासो गरेका छन् ।

प्रदेश नम्बर एकमा आयोजित छलफलमा उद्योगीहरुले उद्योगमैत्री नीतिमा जोड दिएका हुन् ।

ग्लोबल फेयरनेस इनिसिएटिभका राष्ट्रिय निर्देशक होमराज आचार्यले श्रममैत्री उद्योग तथा उद्योगमैत्री नीति झै बन्न नसकेको गुनासो गरे ।  आचार्यले नीति, नियम तथा कानून पालना गरी उत्पादन गर्ने उद्योगहरूको उत्पादनको बजार प्रवद्र्धन र उद्योगीहरूलाई प्रोत्साहित गर्ने नीति निर्र्माण गर्न आवश्यक रहेको औल्याए ।

श्रमको सम्मान गर्ने संस्कृतिको विकास गर्नका लागि नयाँ जोश, जाँगर र सोंचका साथ स्थानीय एवं प्रादेशिक सरकारले जनमुखी नीति तर्जुमा गर्नुपर्नेमा  जोड दिनु्पर्नेमा ब्यवसायीको माग छ । सीप सिकाई र सेवा सिकाईलाई माध्यमिक शिक्षामार्फत युवा माझ विकास गर्न सके श्रमसम्बन्धी समस्याहरू समाधान हुने मोरङ ब्यापार संघका अध्यक्ष पवन कुमार सारडाले बताए ।

प्रदेश नम्बर १ का मुख्यमन्त्री शेरधन राई, आन्तरिक मामिला तथा कानूनमन्त्री हिक्मत कार्की, विराटनगर महानगरपालिकाका प्रमुख भीम पराजुली, रंगेली नगरपालिकाका प्रमुख दिलीपकुमार वगडिया, धनपालथान गाउँपालिकाका उपाध्यक्ष नसिमा बानु, मोरङ व्यापार संघका अध्यक्ष्य पवन सारडा लगायतसँगको छलफलका क्रममा श्रम ऐनको बिषयमा ब्यवसायिले चासो दिएका थिए ।

उद्योगहरुमा कामदार अभाव भएको अबस्थामा उद्योग मैत्री नीति र त्यसलाई कार्यान्वयन गर्ने उद्योगहरु बीचमा समन्वयकारी भूमिका समेत नभएको  बताईन्छ ।