काठमाडौं, १३ फागुन- नेपाल चिकित्सक संघले जिल्ला अस्पताल डोटीमा कार्यरत डा. जितेन्द्र कुमार सिंहमा माथि भएको संघातिक आक्रमणबारे गम्भीर ध्यानाकर्षण भएको जनाएको छ ।

संघले आइतबार राजधानीका पत्रकार सम्मेलन गर्दै सिंहमाथि उपचारका क्रममा गरिएको संघातिक घटनासम्बन्धमा स्थानीय प्रशासनले सुरक्षा प्रदान गर्न नसकेको, राजनैतिक आडमा चिकित्सकलाई न्यायिक निर्णय नगरिएको र स्वास्थ्य क्षेत्रको संवेदनालाई बुझ्न नसकेको भन्दै आपत्ति जनाएको हो ।

चिकित्सक सिंहमाथि आक्रमण गर्नेलाई निसर्त कारबाही गर्न संघले माग गरेको छ । संघले प्रेस विज्ञप्तीमा उल्लेख गरेको छ, ‘स्वस्थ्य जस्तो अत्यन्तै संवेदनशील क्षेत्रमा काम गर्ने हामी चिकित्सकमाथि कपोकल्पित आरोप लगाउँदै चिकित्सकलाई बदनाम गर्ने, अनावश्यक झण्झटमा फसाउने, अमानवीय, गैरकानूनी हर्कतप्रति नेपाल चिकित्सिक संघ घोर भत्र्सना र निन्दा गर्दछ ।’

गत फागुन ६ गते जिल्ला अस्पताल डोटीमा उपचारका लागि आएकी एक महिलाका आफन्तले सल्लाह नमानी विवाद गर्न आएको चिकित्सक जितेन्द्र सिंहको दाबी छ । 

डा. सिंहका अनुसार ढाड र पेटको समस्या लिएर अस्पताल पुगेकी स्थानीय ५२ वर्षीया महिलालाई भिडियो एक्सरे गर्न पठाउँदा नमानेर ५÷६ जना आफन्त आएर चिकित्सिकमाथि आक्रमण गर्दै तोडफोड गरेका थिए । उनीहरुलाई प्रहरीले तत्काल नियन्त्रणमा लिए पनि आफन्तले आफ्नो बदनाम गर्ने नियतले महिलामाथि हिंसा भएको आशयको जाहेरी दिन लागेको डा. सिंहको दाबी छ ।

पत्रकार सम्मेलनमा संघका अध्यक्ष मुक्तिराम श्रेष्ठ सो घटनालाई स्थानीय प्रशासनले नहेरी दाषीलाई कारबाही नगरे कडा आन्दोलनमा जाने चेतावनी दएका छन् ।