चर्चित भारतीय हास्य कलाकार कपिल शर्मा र सुनील ग्रोबरबीच फेरि एकपटक झगडा परेको छ । 

यसअघि विमानमा झगडा परेपछि उनीहरुबीचको सम्बन्ध टुटेको थियो भने कपिलको चर्चित शो द कपिल शर्मा शो समेत बन्द भएको थियो । 

फेरि एक पटक उनीहरुबीच सामाजिक सञ्चालमा विवाद भएको हो । 

सामाजिक सञ्जालमा सुनीलले आफूलाई कपिलले शो मा नबोलाएको लेखेका थिए । 

फेरि कपिलले लेखे मैले १०० पटक फोन गरे । 

कपिलले यसो भनेपछि सुनिल मैदानमा उत्रिए । उनले त्यसपछि भने म तिम्रो नराम्रो वानी बेहोराका कारण चुप लागेको थिए ।

सुनीलले ट्वीटमा लेखे–सवै मानिस जान्दछन् कि म तिम्रो शो मा किन फर्किरहेको छैन । म तिम्रो नयाँ शो को कुरा गरिरहेको छैन । तिमी पुरानो कुरामा रोइरहेका छौं । म एक साल यसकारण चुप लागे किनकी तिम्रो नराम्रो आचरण बाहिरियोस र तिम्रो गरिमा रहिरहोस् भन्नका लागि । 

हामीले साथ साथ राम्रो काम गरेका थियो । अहिलेपनि नराम्रो भन्दिन राम्रोसँग पढ । म तिम्रो नयाँ शो को कुराकानी गरिरहेको छु पुरानोको होइन । 

तिमी एक राम्रो हास्यकलाकार हौं यो सवै जान्दछन् । 

आफूलाई ध्यान देउ मृगौला दुई र कलेजो एक मात्र हुन्छ । 

फेरि म आफ्नो कुरा भन्न चाहन्छु कि म पुरानो शोको होइन नयाँ शो को कुरा गरिरहेको थिए । नयाँ शो का लागि शुभकामना । 

सुनीलले मृगौला दुई र लिवर एक छ भन्नु को अर्थ कपिलको खराब स्वास्थ्यका बारेमा इशारा गर्छ । 

चर्चित कमेडियन कपिल शर्मा आफ्नो नयाँ शो फेमिली टाइम विद कपिल शर्मा लिएर आउँदैछन् । यसै शोमा सुनीललाई पनि देख्न चाहेको भन्दै फ्यानहरुले प्रश्न गरेका थिए । यसको जवाफमा सुनील ग्रोबरले पोस्टमा आफूलाई कपिलले कहिल्यै नबोलाएको लेखेका हुन् । 

कपिलले आफूलाई पहिला आवश्यकता परेको बेला सयौं पटक फोन गर्दा पनि सुनीलले वास्ता नगरेको भन्दै रिसाएका छन् । तर अब उनको जरुरत आफूलाई नभएको उत्तर कपिलले दिएका छन् ।