चितवन, ५ चैत–नेपाली कांग्रेसका सभापति शेरबहादुर देउवाले लोकतन्त्रका आधारभूत विषयमा सरकारले धावा बोले त्यसका विरुद्ध सडक र सदन तताउने चेतावनी दिएका छन् । 

जनतालाई बोलाउने ताकत र संगठन पार्टीसँग भएको उनले बताए । ‘दुई तिहाइ मतको ध्वाँस दिएर सरकारले बोल्ने लेख्ने अधिकार खोसेकोमा र न्यायालयमाथि धावा बोलेमा हामी प्रतिवाद गर्छौं,’ कांग्रेसनिकट कर्मचारीहरुको संस्था नेपाल निजामती कर्मचारी युनियन(संघ)को सातौं अधिवेशनको उद्घाटन गर्दै उनले भने ।, कान्तिपुरमा खबर छ।