काठमाडौँ, ५ चैत- काठमाडौंको कोटेश्वरमा आज बिहान ३ बजे सवारी दुर्घटना हुँदा  १ घाइते भएका छन् | रोकी राखेका ना २ ख ९५६८ र ना ३ ख ९९९५ नम्बरको ट्रकमा बा ९ च २६४४ नम्बरको कार ठोकिंदा कारमा सवार, काठमाडौंकै कागेश्वरी मनहरा नगरपालिका ९ बस्ने काभ्रेपलान्चोकको बनेपाका २७ बर्षीय गणेश प्रसाद अधिकारी घाइते भएका हुन् ।
 उनको काठमाडौं मेडिकल कलेज सिनामंगलमा उपचार भैरहेको छ । दुर्घटनामा संलग्न कार चालक काठमाडौं मनहरा बस्ने राज कुमार हुमागाईलाई महानगरिय प्रहरी प्रभाग कोटेश्वरले नियन्त्रणमा लिएको छ । उनले मदिरा पिएर कार चलाएको  प्रहरीले जनाएको छ ।