सुर्खेत, ५ चैत– कर्णाली प्रदेशको राजधानी वीरेन्द्रनगरमा बहुउदेश्यीय कर्भड हल निर्माण अभियान अन्र्तगत ४ ओटा कोर्टसहितको अत्याधुनिक व्याडमिन्टन कोर्ट निर्माण हुने भएको छ । 

कुल अनुमानित २ करोड ५० लाखको लागतमा सम्पन्न हुने उक्त कोर्टको चैत ११ गते शिलान्यास गरिने जिल्ला व्याडमिन्टन संघ सुर्खेतका सचिव खिमलाल देवकोटाले जानकारी दिए । 

उनका अनुसार तयार गरिएको डिपिआर अनुरुप ६ कोर्ट बनाउँदा झण्डै साढे ६ करोड लाग्ने भएतापनि अहिले संघसँग १ करोड २२ लाख रकम रहेको र बाँकी रकम सहयोग जुटाउँदै बनाउँदै अघि बढ्ने गरी निर्माण कार्य सुरु गर्न लागिएको हो । सचिव देवकोटाका अनुसार मध्यपश्चिम धार्मीक महोत्सव २०७३ बाट उठेको रकमबाट उक्त संरचना बनाउन लागिएको हो ।

हल निर्माणका लागि जिल्ला खेलकुद परिषदले कर्भड हल नजिक ५ कट्टा जमिन जिल्ला व्याडमिन्टन संघलाई हस्तान्तरण गरेको केहि दिनमै संघले निर्माण कार्यको तयारी सुररु गरेको हो ।

संघले निर्माण गर्न लागेको अहिलेको संरचनामा तयार ६ कोर्ट सहितको डिपिआरकै शैलिमा बनाउने तर ४ ओटालाई मात्रै बजेट पुग्ने भएकाले त्यसो गर्नुपरेको निर्माण समितिका अध्यक्ष चेतनारायण पाण्डेले जानकारी दिए । उक्त कार्यलाई सफल बनाउन आवश्यक ससहयोग संकलनको काम तीव्र पारिने आर्थिक व्यवस्थापन समितिका संयोजक सुदर्शन श्रेष्ठले बताए । उनको अनुसार अब स्थानीय र प्रदेश सरकार समेत बनिसकेको बेला उहाँहरुबाट सहयोग पाउने अपेक्षा छ ।

कोर्टको शिलान्याय कर्णाली प्रदेशका मुख्यमन्त्री महेन्द्रबहादुर शाही मार्फत गराउने तथयारी गरिएको छ तर अहिले मुख्यमन्त्री काठमाडौंमा रहेकोले चिठी बुझाउन नसकिएको उनको भनाई छ ।