बुटवल, ५ चैत-लामो रस्साकस्सीपछि नेपाली कांग्रेसले प्रदेश नम्बर ५ को संसदीय दलको नेता चयन गरेको छ ।

सोमबार मतदान गरी दलको नेता टुङ्ग्याउने भनिए पनि अन्नतः रुपन्देही सांसद बलदेश शर्मा पोखरेल निर्विरोधरूपमा दलको नेता चुनिएका हुन् ।

पोखरेल प्रदेश नम्बर पाँचको जेष्ठ सदस्य पनि हुन् । उनले सभामुख चयन हुनुपूर्व सभाध्यक्षको भूमिकासमेत निर्वाह गरेका थिए । नेता चयनभएपछि सञ्चारकर्मीहरू कुराकानी गर्दै पोखरेलले प्रदेश सरकारका राम्रा कामलाई सहयोग र नराम्रा कामको खबरदारी गर्ने बताए ।

संसदीय ललको नेताका लागि पोखरेलसंगै पाल्पा कांग्रेसका सभापति समेत रहेका वीरबहादुर राना, कपिलवस्तुका नेता वीरेन्द्र कनोडिया, रुपन्देहीकै  फकरुद्धिन खां र दाङका नेता डिल्ली चौधरीले उम्मेदवारी दर्ता गराएका थिए ।

प्रदेश नम्बर पाँचका कांग्रेसका १९ सांसद छन् ।