काठमाडौं, २५ चैत– भारतीय कमेडियन कपिल शर्मा आजभोलि विवादमा फसेका छन् । हालै शुरु गरेको नयाँ शो ‘द फैमिली टाइम विद कपलि’ ले शुरुवात मै दर्शकको मन जित्न सकेको छैन । 

तीन एपिसोड अनएयर भएको शो शनिबार टेलिकास्ट हुन सकेन । जसका कारण सोनी च्यानलले बैठक बोलाएको छ । शो टेलीकास्ट नहुनको कारण सुटिंग नै नभएको मिडिया रिपोर्टमा उल्लेख छ । आजभोलि कपिल ट्विटर युद्ध मै व्यस्त छन् । 

शोको सुटिंगका लागि रानी मुखर्जीलाई बोलाइए पनि पछि रद्द गरेको बताइएको छ । त्यसपछि प्रोड्क्शन हाउससँग कुनै सम्पर्क नगरेको थाहा हुन आएको छ । 

पछिल्लो समय पत्रकार र पूर्व प्रेमिका विरुद्ध उनी प्रहरीमा जाने तयारीमा छन् । कपिलले पत्रकारप्रति आपत्ति जनाउँदै ट्वीट गरेका थिए । 

कपिलको ट्वीटमा नेहाले भनेकी छन्– त्यो ट्वीट आपत्तिजनक छ । यस्तै कपिलको रवैयाप्रति उनकी पूर्व प्रेमिका प्रीतिले कपिलको मानसिक हालत ठीक नभएको र उनले आत्महत्या बारे सोच्ने गरेको बताइन् ।