काठमाडौं, २८ चैत- नेपाल लाइफ इन्स्योरेन्स कम्पनी लिमिटेडले शेयरधनीहरुलाई चुक्ता पूँजीको ४२ प्रतिशत बोनस शेयर प्रदान गर्ने प्रस्ताव पारीत गरेको छ ।  बुधबार, बीरगंजमा सम्पन्न कम्पनीको अठारौं बार्षिक साधारण सभाद्वारा तथा प्रति शेयर रु.२८.५३ (कर सहित) वितरणको प्रस्ताव समेत पारीत भएको छ ।

बोनश शेयर बितरण पश्चात कम्पनीको चुक्ता पूँजी रु.४,३९,६९,२८,६४८÷—हुनेछ । यसै गरि साधारण सभाबाट कम्पनीको अधिकृत पूंजी रु.८,००,००,००,०००÷— (आठ अर्ब) कायम गर्ने प्रस्ताव पारित भएको छ ।

अध्यक्ष गोविन्द लाल संघईको अध्यक्षतामा सम्पन्न उक्त साधारण सभामा स्वागत मन्तव्य एवं बार्षिक प्रतिवेदन प्रस्तुत गर्दै समिक्षा बर्षमा कम्पनीले कुल बीमा शुल्क आम्दानीमा करिब ३३ प्रतिशत बजार हिस्सा हासिल गर्न सफल भएकोमा सम्बद्ध सबैमा बधाई एवं शुभकामना व्यक्त गरे । साथै उनले बिद्यमान शेयर स्वामित्वमा सर्वसाधारण समुहमा शेयर संरचनामा बृद्धि भई  ४० प्रतिशत कायम हुँदा सर्वसाधारण शेयरधनीहरुको स्वामित्व एवं  जिम्मेवारी अझ व्यापक एवं फराकिलो बन्ने बिश्वास व्यक्त गरे ।  

सभाले आ.व.२०७३÷०७४ को संचालक समितिको बार्षिक प्रतिवेदन, वासलात, नाफा नोक्सान हिसाब, आय व्यय हिसाब, नगद प्रवाह बिवरणहरु एवं कम्पनीको प्रवन्धपत्र तथा नियमावलीका गरिएको संशोधन प्रस्तावहरु पनि  स्वीकृत गरेको छ । यसैगरि, कम्पनीको पूँजी संरचनामा रहेको सस्ंथापक र सर्वसाधारण शेयरको बिद्यमान ७०ः३० अनुपातलाई परिवर्तन गरि संस्थापक र सर्वसाधारण शेयर स्वामित्व अनुपात ६०ः४० प्रतिशत कायम गर्ने प्रस्ताव सभाबाट स्वीकृत भएको छ ।