फाट्टफुट्ट घर, हरियो खेतबारी, कञ्चन र सफा पानी, स्वच्छ वातावरण लेलेका विशेषता हुन् । काठमाडौंको धुलोधुवाँबाट छोटो समयमै उन्मुक्ति पाउने उत्तम विकल्प पनि यो ठाउँ हुनसक्छ ।

त्यसमाथि वसन्त ऋतुलाई स्वागत गर्दै पाकेका ऐँसेलु खाँदै रमाउन पनि सकिन्छ । गाउँसम्म पुग्ने बाटोको अवस्था राम्रो नहुनु र प्रचार–प्रसारको अभावले लेलेलाई पछि पारेको देखिन्छ ।

यातायातमा सहजता र प्रचारप्रसार हुने हो भने लेले पर्यटकीय गन्तव्य बन्नसक्ने प्रचुर सम्भावना छ ।