फागुन २६, २०८०
पोखराका अशोक खड्काको पारिवारिक वातावरण सानैदेखि उद्यमशीलताको थियो । उनका बुवा सधैं एकै सुझाव दिइरहन्थे– नेपालमै केही गर्नुपर्छ । उनको बालमस्तिष्कमा त्यही छाप पर्यो । विदेश जाने सोच कहिल्यै बनाएनन् । नेप...
बैशाख ३, २०७५
काठमाडौं, ३ वैशाख- बिहान १० बजे पशुपतिस्थित वृद्धाश्रममा पुग्दा खाना खाने समय भएको थियो । आश्रममा रहेका सबै वृद्धवृद्धाहरू खाना खाँदै थिए । खाना खान नसक्नेलाई त्यहाँ आउने स्वयंसेवकहरूले खाना खुवाइदिँदै थिए । आश्रममा खाना नखाइ एक वृद्धा टोलाइरहेकी थिइन् ।
‘आमा आरामै हुनुहुन्छ ? खाना खानुभएको छैन ?’
‘हजुर आरामै छु नानी ।’ टोलाइरहेकी उनले जवाफ दिइन्, ‘राम्रोसँग खानाखान सक्दिनँ, एकछिनमा दूध खान्छु, ल्याइदिसकेका छैनन् ।’
आज आमाको मुख हेर्ने दिन । आश्रममा कहिलेकाहीँ भेट्न आउने गरेकी छोरी आज पनि आउँछिन् कि भनेर उनी बाटो हेर्दै टोलाइरहेकी थिइन् । एकछोरा र एक छोरीकी ७० वर्षीया आमा धनमाया जंघमले १० वर्षदेखि वृद्धाश्रममा बस्दै आएको बताइन् ।
छोराछोरीको बिहेपछि आफूले काम गर्न सक्दासम्म उनी घरमै बसिन् । जब आफूले काम गर्न नसक्ने भइन्, तब उनी वृद्धाश्रममा आइन् । परिवारमा दुःख देखेर आफूले बुढेसकालमा स्याहार नपाउने बुझेर आश्रम आएकी उनलाई अहिले घर फर्कने रहर छ ।
‘घरमा हेलाँ भएर आएको होइन, घरको दुःख देखेर, मेरा लागि घरमा राम्रो छैन भनेर म आफैँ आएको थिएँ । यहाँ पनि दिक्क लाग्छ । दाताले सहयोग गरेको समयमा त राम्रोसँग खान दिन्छन्, अरु समयमा त खासै राम्रो छैन,’ उनले सुनाइन् ।
छोरा शारीरिक अपाङ्ग भएकाले उनलाई भेट्न आउन सक्दैनन् । छोरी भने कहिलेकाहीँ भेट्न आउँछिन् । छोरी भेट्न आउँदा उनलाई पनि छोरीसँगै जान मन लाग्छ, तर ज्वाँइले छोरीलाई भेट्न आउँदासमेत गाली गर्ने गरेको थाहा पाएकी उनले आफ्नो चाहनालाई मनमै दबाएर राखेकी छन् ।
‘छोरीले एउटा कोठा मात्रै दिए पनि मलाई सरकारले भत्ता दिन्थ्यो, म त्यही भत्ताले बाँच्न सक्थेँ । तर के गर्नु, ज्वाइले भेट्न आउन समेत दिदैनन् रे ! छोरी लुकीलुकी भेट्न आउँछे । कसरी लैजान सक्थी र मलाई !’ लोकान्तरकर्मीसँग यसो भन्दै गर्दा उनले आँसु थाम्न सकिनन् ।
पशुपति वृद्धाआश्रममा उनीजस्तै धेरै आमाहरु बस्छन् । बिहानको समय भएकाले सबै खाना खाँदै थिए ।
आश्रमको भित्रपट्टि ४ जना युवतीसँग चिटिक्क परेर बसेकी लक्ष्मीदेवी थापा हँसिलो चेहरामा गफ गर्दै थिइन् । आश्रममा सबैभन्दा चिटिक्क र खुसी देखिने थापाको जन्म र रगतकै नाता पर्ने आफन्तहरू छैनन् । सानैमा आमाबुवा बितेपछि उनलाई धर्ममा लागेकाहरुले हुर्काए । उनले बिहे गरिनन् । बुढेसकाल लागेपछि आश्रममा आएर बस्न थालिन् ।
‘पहिला आउँदा त एक्लै कुनातिर बत्ति कातेर बस्थेँ । अरुको आफन्तहरू आएको, बोलेको देख्दा दुःख लाग्थ्यो,’ शुरुमा आश्रममा आएको समय सम्झदै उनले भनिन्, ‘मेरो पनि आफन्त भएको भए भेट्न आउँथे होला जस्तो लाग्थ्यो, अनि आँखाभरि आँसु हुन्थ्यो ।’
२१ वर्ष आश्रममा बिताएकी उनले अहिले धेरै छोराछोरी पाएकी छिन् । आश्रममा स्वयमसेवकको रूपमा कार्य गर्न आउनेहरू उनलाई आमा भन्छन् । उनको मीठो बोल्ने शैलीले उनलाई सबैले आमाको रूपमा माया र सम्मान दिन्छन् ।
‘२१ वर्ष भयो यो आश्रममा बसेको । शुरुमा आउँदा भन्दा अहिले धेरै राम्रो भएको छु । यहाँ नै धेरै छोराछोरी पाएकी छु, धेरै खुसी छु,’ उनले भनिन्, ‘आज आमाको मुख हेर्ने दिन बिहानैदेखि धेरै छोराछोरीले सम्झिरहेका छन् । अहिले त धेरै रमाइलो लाग्छ ।’
पोखराका अशोक खड्काको पारिवारिक वातावरण सानैदेखि उद्यमशीलताको थियो । उनका बुवा सधैं एकै सुझाव दिइरहन्थे– नेपालमै केही गर्नुपर्छ । उनको बालमस्तिष्कमा त्यही छाप पर्यो । विदेश जाने सोच कहिल्यै बनाएनन् । नेप...
भगवान् गौतम बुद्धको जन्मस्थल लुम्बिनी विश्वकै लागि शान्तिक्षेत्र हो । यो क्षेत्र आउँदो महिना विशेष हुने भएको छ । विश्वकै प्रतिष्ठित र ठूलो पुरस्कार मानिने नोबेल पुरस्कार विजेताहरूको जमघट हुने भएपछि विशेष हुन लागेक...
बुटवलका कुलचन्द्र पाण्डे सफल पर्यटन व्यवसायी हुन् । कुनै समय भारतको एउटा कम्पनीमा काम गरेका पाण्डे अहिले रूपन्देहीमा ‘एसियन ब्राण्ड’ चम्काउने ‘टुरिजम’ उद्यमीका रूपमा चिनिन्छन् । तीन दशकअघि...
श्रीमान्–श्रीमती नैं शाखा अधिकृत, त्यो पनि एकसाथ । यस्तो सुखद संयोग सरकारी सेवामा प्रवेश गर्न चाहनेमध्ये कमैलाई मात्र जुर्ने गर्छ । तर, गुल्मीको धुर्कोट गाउँपालिका वडा नम्बर–६ का सुरेन्द्र पाण्डे र रमित...
प्रगतिशील राजनीतिको 'फ्रन्टलाइन'मा देखिने नेताहरू जति कठोर हुन्छन्, त्यो भन्दा बढी ‘इमोसनल र सेन्टिमेन्टल’ पनि हुन्छन् । त्यस्तै ‘इमोसनल फिलिङ्स’का बाबजुद परिस्थितिले कठोर बन्दै गएक...
नृत्यका पारखीहरूका लागि लुम्बिनी प्रदेशमा लोकप्रिय नाम हो किशोर थापा । रुपन्देहीका किशोरको परिचय खाली नृत्यकार (डान्सर)मा मात्र सीमित छैन । उनी नृत्य निर्देशक, गायक, मोडल र फूटबल खेलाडीको रूपमा समेत उत्तिकै च...
ललितपुरको गोदावरीस्थित सनराइज हलमा नेकपा (एमाले)का दुई महत्वपूर्ण कार्यक्रम भए । एमालेको प्रथम विधान महाधिवेशन (२०७८ असोज १५ र १६ गते) सनराइज हलमै भएको थियो । विधान महाधिवेशनले विभाजनदेखि चौतर्फी घेराबन्दी...
हामी १५औं अन्त्य गरेर १६औं योजनाको तयारीमा जाँदै छौं । दलका शीर्ष नेताबीच १६औं योजनाको विषयमा छलफल भएको छ । १५औं योजनाको असफलता र नमिलेका कुरालाई १६औं मा सुधार्छौं । हाम्रो गन्तव्य कहाँ हो भन्ने संविधानले ...
सच्चा लोकतन्त्रमा सिमान्तमा रहेको नागरिकले पनि यो देश मेरो हो भन्ने अनुभूति गर्न सक्नेछ- माहात्मा गान्धी । माथि गान्धीको भनाइ किन उद्धृत गरिएको हो भने नयाँ वर्षको आगमन भैसकेको छ र २०८० को बिदाइ बडो हर्षपूर्वक...