काठमाडौं, ७ वैशाख– सनराइजर्स हैदराबादविरुद्ध बिहीवार मोहालीमा भएको खेलपछि विस्फोटक व्याट्सम्यान क्रिस गेलको भनाइमा कसैलाई आपत्ति भए सायद उसले यी क्यारेवियन ब्याट्सम्यानले खेलेको नहेरेको हुनुपर्छ ।

म्यान अफ दि म्याचको पुरस्कार थाप्नुभन्दा मात्र तीन घन्टा पहिला मोहालीको मैदानमा उनको व्याटको जाँदूको अगाडि बलरहरु लुक्ने ठाउँ खोजिरहेका थिए । ६३ बलमा ११ छक्का तथा एक चौकाको मद्दतमा क्रिस गेलले अविजित १०४ रन बनाए । 

जसको सहयोगमा किंग्स इलेवन पञ्जावले सनराइजर्स हैदराबादको जीतको रथलाई रोकेको थियो । यस सिजनको आईपीएलमा कुनै पनि व्याट्सम्यानको यो पहिलो शतक हो । 

गेलले सहवागको आभारी उसै गरेका होइनन् । टी–ट्वान्टीका सवैभन्दा खतरा व्याट्सम्यान भएपनि आईपीएल २०१८ मा क्रिस गेल बिकेका थिएनन् । 

१३ बर्षको टी २० करियरमा सवैभन्दा धेरै रन बनाउने र शतक हान्ने रेकर्ड राख्ने गेलको लिलामीमा कोही इच्छुक नभएपछि सहवागको टिम किंग्स इलेवन पञ्जावले उनलाई दुई करोडको बेस प्राइसमा किनेको थियो । 

वीरुले एक अन्तर्वार्तामा गेलले दुई खेल जिताए पैसा असुल हुने बताएको भन्दै गेलले अब आफूले वीरुसँग फेरि कुरा गर्नुपर्ने भएको बताएका छन् ।