फरक परिचय र स्थान बनाएका बलिउडका केही नायिका उमेरले ४० कट्दासमेत अविवाहित नै छन् । भारतीय सञ्चारमाध्यमले बलिउडका केही त्यस्ता अविवाहित हिरोइनबारे रिपोर्ट प्रकाशित गरेको छ जो कुनै समय तथा अहिले पनि अभिनयमा सक्रिय र अब्बल नै छन् । तर, घरजम गर्ने मामलामा भने उनीहरू कमजोर साबित भएका छन् ।

०तब्बु
बलिउडमा अभिनयमार्फत बेग्लै परिचय स्थापित गरेकी तब्बु अहिलेसम्म सिंगल नै छिन् । ४६ वर्षीया तब्बुले सन् १९९४ मा प्रदर्शित ‘पेहला पेहला प्यार’ फिल्मबाट अभिनय यात्रा सुरु गरेकी हुन् । त्यसपछि उनले ‘विजयपथ’, ‘प्रेम’, ‘हकिकत’, ‘जित’, ‘चाची–४२०’, ‘हेराफेरि’, ‘जाल’, ‘हैदर’लगायत थुप्रै फिल्ममा अभिनय गरिन् । उनको गत साता ‘मिसिङ’ नामक फिल्म रिलिज भएको थियो । उनको ‘सुट दि पियानो प्लेयर’ र ‘सैजु’ यही वर्ष प्रदर्शनमा आउँदै छन् । तब्बु आफूले बिहेभन्दा करिअरमा ध्यान दिने गरेको बताउँछिन् ।

०सुस्मितासेन 
सुस्मिता सेन ४२ वर्षकी भइन् । तर, उनी अहिलेसम्म अविवाहित छिन् । बिहे नगरे पनि उनले दुईटा बच्ची ‘एडप्ट’ गरेकी छिन् । उनले सन् २००० मै रिनी नामक बच्चीलाई धर्मपुत्री बनाएकी हुन् । उनी अहिले १८ वर्षकी भएकी छिन् । त्यसैगरी, उनले सन् २०१० मा अर्की बच्ची एडप्ट गरिन् । ती बच्चीको नाम एलिशा राखिन् । सुस्मिताले थुप्रै फिल्ममा अभिनय गरेकी छिन् । दुई छोरी पालेर बसेकी उनी बिहे गरिहाल्ने योजनामा भने नरहेको बताइन्छ ।

०अमीषापटेल
सन् २००० को सुपरहिट फिल्म ‘कहो ना प्यार हे’बाट बलिउडमा डेब्यु गरेकी अमीषा पटेलले पनि अहिलेसम्म बिहे गरेकी छैनन् । धमाकेदार इन्ट्री मारे पनि उनले बलिउडमा आफ्नो नाम खासै चम्काउन सकिनन् । कहो ना प्यार हैपछि उनले ‘गदर एक प्रेमकथा’, ‘क्रान्ति’, ‘हमराज’, ‘हे बेबी’, ‘रेस २’लगायत थुप्रै फिल्ममा अभिनय गरिन् । लामो समयसम्म निर्देशक विक्रम भट्टको प्रेममा रहे पनि ४१ वर्षीया अमीषाको अझै घरबार हुनसकेको छैन ।

०तनीषामुखर्जी
सन् २००३ मा रिलिज भएको ‘सकस’बाट बलिउडमा डेब्यु गरेकी तनीषाले त्यसपछि ‘नील एन्ड निक्की’, ‘सरकार’, ‘वान टु थ्री’, ‘सरकार राज’, ‘तुम मिलो तो सही’ लगायत फिल्ममा अभिनय गरिन् । हाल उनी ४० वर्षकी भइन् । तर, अहिलेसम्म पनि अविवाहित छिन् । उनी अभिनित पछिल्लो फिल्म ‘अन्ना’ सन् २०१६ मा रिलिज भएको थियो । रियालिटी सो बिग बोसमा समेत सहभागी भएकी तनीषा त्यतिवेला अर्का प्रतियोगी अरमान कोहलीसँग प्रेममा परेको खबरले चर्चा पाएको थियो ।

०नरगिसफखरी
नरगिस फखरी उमेरले ३८ पुगिन् । उनी पनि अहिलेसम्म अविवाहित छिन् । अभिनेता उदय चोपडासँगको अफेयरका कारण चर्चामा आउने गरेकी नरगिसले सन् २०११ मा ‘रक स्टार’बाट डेब्यु गरेकी हुन् । त्यसपछि उनले ‘मद्रास क्याफे’, ‘मै तेरा हिरो’, ‘किक’, ‘अजहर’, ‘हाउसफुल ३’, ‘बैजो’लगायत फिल्ममा अभिनय गरिन् । नरगिसको फिल्मी करिअरले उचाइ भने लिन सकेको छैन ।