काठमाडौं, ९ वैशाख– म्यानचेस्टर युनाइटेड एफए कप फुटबलअन्तर्गत शनिबार भएको खेलमा टोटनह्यामलाई २–१ ले पराजित गर्दै फाइनलमा स्थान पक्का गरेको छ । 

म्यानचेस्टर युनाइटेडले नयाँ कीर्तिमानी बनाउँदै २० औँ पटक एफए कप फुटबलको फाइलनमा प्रवेश गरेको हो । 

घरेलु मैदानमा भएको खेलमा युनाइटेडले टोटनह्यामलाई २–१ ले हराएको हो । टोटनह्याम लगातार ८ औँ पटक प्रतियोगिताको सेमिफाइनलमा पराजित भएको छ । 

म्यानचेस्टर युनाइटेडको जितमा एलेक्स सान्चेल र आन्द्रे हरेराले गोल गरे । पहिलो हाफमा १–१ को बराबरी भएको खेलमा दोस्रो हाफमा हरेराले युनाइटेडका लागि विजयी गोल गरे । 

युनाइटेडले अब उपाधिका लागि आउँदो मे १९ मा चेल्सी वा साउथह्याम्पटनसँग प्रतिस्पर्धा गर्नेछ । युनाइटेड इंग्लिस फुटबलको इतिहासमा घरेलु प्रमुख लिगमा २९ पटक फाइनलमा पुगेको छ ।

यो कुनै पनि इंग्लिस क्लब फाइनलमा पुगेको सबैभन्दा धेरै पटक हो । उ एफए कपमा मात्रै २० पटक फाइनल खेल्दैछ ।