जनकपुरधाम, १० वैशाख– जनकपुरमा जारी दीपक गुप्ता टी र २० क्रिकेट प्रतियोगिताको दोश्रो दिन शनिबार सम्पन्न खेलमा नेपाल प्रहरी क्लबको टोलीले लगातार दोश्रो जीत हात पारेको छ । 
युनाईटेड क्रिकेट क्लब बीरगंज र प्रहरी क्लबबीच भएको पहिलो खेलमा प्रहरी टोलीले ४२ रनको फराकिलो अन्तरले जीत हात पारेको छ । उक्त जीत संगै प्रहरी टोली प्रतियोगिताको सेमी फाइनलमा पुग्ने पहिलो टीम बन्न सफल समेत भएको छ ।

टस हारेर सुरुमा ब्याटिङ गरेको प्रहरीले निर्र्धािरत २० ओभरको खेलमा ८ विकेटको क्षतिमा १ सय ४३ रनको स्कोर खडा गरेको थियो । जसका लागि प्रारम्भिक बल्लेबाज अमित श्रेष्ठले अर्ध शतक बनाउदै ६६ रनको निजी स्कोर गर्न सफल भएका थिए । ५० बलमा ८ चौका र २ छक्का प्रहार गरेका श्रेष्ठले ३६ बलमा ५० रन बनाउन सफल भएका थिए । उनलाई प्लेयर ओफ दी म्याचको पुरस्कार  समेत दिइएको थियो ।

प्रहरीका लागि सुनील धमलाले २० रन ,आरिफ शैखले २२ रन र कुशल भुर्तेलले १२ रनको योगदान गरे पनि बाँकी अन्य खेलाडीहरूले दोहोरो अंक समेत छुन सकेका थिएनन ।दिपेन्द्र सिंह एईरी र कप्तान मन्जीत श्रेष्ठले समान ९ रन बनाएका थिए ।

बीरगंजका लागि मुर्तजा हबारिले २ विकेट र रासिद खान, सैदुल्ला अन्सारी संसाद अन्सारी र राजन सिंहले समान एक एक विकेट लिएका थिए । 

उता दोश्रो पारीमा मैदानमा ओर्लिएको बीरगंज १ सय ३ रनमै समेटिएको थियो । बीरगंजका लागि सुरज पटेलले सर्बा्धिक २७ रन बनाएको थियो । त्यसै गरी हासिम अन्सारीले २४ रन, आशु कन्दोईले १४ रन र सैदुल्लाह अन्सारेले १० रन बनाए पनि बाँकी खेलाडीहरू दोहोरो अंक समेत छुन सकेनन् ।

प्रहरी टोलीको लागि ललित सिंह भण्डारी र दिपेन्द्र सिंह ऐइरीले समान दुइ दुइ विकेट लिएका थिए भने दिपेश श्रेष्ठ र आरिफ शेखले समान एक एक बिकेटमा नै चित्त बुझाउनु परेको थियो ।

आयोजक जनकपुरको दोश्रो हार, भारतका आशामको टोलीले जित्यो

शनिवार नै सम्पन्न भएको पर्तियोगीताको दोश्रो खेलमा आयोजक जनकपुर क्रिकेट टीमलाई भारतको आसामका फोनेक्स क्रिकेट टोलीले ६ विकेटले पराजित गरेको छ । जनकपुरको यो हार संगै प्रतियोगिताबाट बाहिरिने सम्भावना बढेको छ ।

सुरुमा ब्याटिंग गरेको जनकपुर टीम निर्धारित २० ओभरको खेलमा १९ ओभर १ बलमै १ सय ९ रन बनाएर अल आउट भएका थिए । जनकपुरका लागि कप्तान हरिशंकर साहले सर्बा्धिक ३५ रन बनाएका थिए । उनले २ चौका र १ छक्का प्रहार गरेका थिए । त्यस बाहेक शिब चौधरीले १४, हिमांशु दत्तले १२ र सम्शाद शेखले ११ रनको योगदान गरे पनि अन्य खेलाडीले दोहोरो अंक समेत छुन सकेनन् ।

आसामका लागि राजपाल सेख,राजेन्द्र लाल, बिकाश क्षेत्री र भारत नेवार ले समान दुइ दुइ विकेट लिएका थिए ।

अर्को तर्फ सामान्य १ सय १० रन्को लक्ष्य पन्छ्येका भारतको आसामको टोलीले ४ विकेट को क्षत्तिमा १८ ओभर २ बल्ल्मा सजिलै प्राप्त गरेका थिए । आसामका लागि यासिर अलिले ४९ बलमा ५ चौकाको मदतले ५१ रङ बनाएका थिए । उनी प्लेयर अफ दी म्याच समेत चुनिएका थिए ।त्यसै गरी आसामका लागि मुजिबर अलिले २५ रन र राजिंदर लालले १३ रन बनाएका थिए ।

आयोजक जनकपुरका लागि रामरूप यादवले दुइ तथा हरिशंकर साह र बिशाल सुशालिंगले समान एक एक विकेट लिएका थिए ।