कात्तिक १८, २०८०
जाजरकोटको रामीडाँडालाई केन्द्रबिन्दु बनाएर गएराति गएको ६.४ म्याग्निच्यूडको भूकम्पका कारण धनजनको ठूलो क्षति भएको छ । नेपाल प्रहरीले दिएको तथ्यांकअनुसार १२९ जनाको मृत्यु भइसकेको छ भने १४० जना घाइते छन् ।...
काठमाडौं, १२ वैशाख— भक्तपुर कमलविनायकका २६ महिने सोनिस अवाल एक शिशु स्याहार केन्द्रमा भेटिए । भक्तपुर महानगरपालिकाले सञ्चालन गरेको शिशु स्याहार केन्द्रमा खेलिरहेको अवस्थामा हामीले उनलाई भेट्यौं ।
विगत एक महिनादेखि उनी उक्त शिशु स्याहार केन्द्रमा दैनिक ६ घण्टा समय बिताउँछन् । खेल्छन् । चकचक गर्छन् । साथीहरूसँग जिस्किन्छन् । शिशु स्याहार केन्द्रका गुरुआमाहरूका अनुसार उनी त्यहाँका सबैभन्दा ‘स्मार्ट’ बच्चा हुन् ।
यी तिनै सोनिस हुन्, जो दुई वर्षअघि आजकै दिन (२०७२ साल वैशाख १२) को विनाशकारी भूकम्पमा लामो समयसम्म भग्नावशेषमा पुरिएर बाँच्न सफल भए । भूकम्प जाँदा दुई महिना मात्रै उमेर पूरा गरेका उनी २२ घण्टासम्म भग्नावशेषमा पुरिएका थिए ।
‘अहिले त चकचके भइसक्यो, २२ घण्टा पुरिएपछि निस्किँदा पनि मुसुक्क हाँसेको थियो,’ सोनिसकी आमा रश्मीलाले भनिन्, ‘भग्नावशेषबाट निकाल्दा सबैले ताली बजाएका थिए । बाईस घण्टापछि उसलाई सेनाले सकुशल निकालेको थियो ।’
रश्मीला घरमा चाहिएका सामग्री किन्न पसलतर्फ लागेकी थिइन् । उनी पसल नपुग्दै भुइँचालो आयो । उनका आँखाले बलिया जस्ता देखिने घरहरू ढलेको देखे । आफ्नो पुरानो घर पनि पक्कै भत्कियो भन्ने उनलाई लाग्यो ।
‘दौडेर घर आउँदा घर भत्किइसकेको थियो, बाबु (सोनिस) सुतिरहेको थियो । बाबुलाई हेर है भनेर छोरीलाई अह्राएको थिएँ,’ उनले भनिन्, ‘खोज्दै जाँदा छोरी त दुई घण्टामै सकुशल भेटिई । तर छोरा चाहिँ भेटिएन ।’
भग्नावशेष भित्रैबाट बच्चा रोइरहेको आवाज आएपछि नेपाली सेनाले उक्त ठाउँमा होसियारीपूर्वक खोजी शुरु गरेको थियो । त्यहीँ क्रममा सोनिस भेटिए ।
अँध्यारोमा पुरिएका सोनिस उज्यालोमा निकाल्नेबित्तिकै मुस्कुराए । तत्कालै सेनाले अस्पताल लग्यो । उनलाई केही भएको रहेनछ, सफा गरेर घरमा ल्याइदियो ।
घर भत्किएपछि वासस्थान अभाव भएपनि रश्मीला दम्पतीलाई दुवै छोराछोरी भूकम्पको भग्नावशेषबाट जीवितै निस्किँदा निकै खुशी लागेको थियो । उनीहरूको खुशीसँग धेरैको ध्यान त्यतै खिचियो । भग्नावशेषबाट २२ घण्टापछि जीवितै फेला परेका सोनिस एकाएक ‘स्टार’ बनेका थिए ।
नेपाली सेनाले पनि दुईमहिने बच्चालाई सकुशल उद्धार गर्न सफल भएकोमा त्यो गौरवकै विषय भएको बताएको थियो ।
भग्नावशेषबाट निस्किँदा मुस्कुराएका सोनिस आइतवार लोकान्तर टोली पुग्दा मुस्कुराइरहेकै थिए । एक महिनाअघि मात्रै रश्मीलाले छोरालाई शिशु स्यहार केन्द्रमा लगाएकी रहिछन् ।
‘घरमा साह्रै चकचक गर्न थाल्यो, साथी भएन भने रुन पनि थाल्यो,’ उनले भनिन्, ‘त्यही भएर शिशु स्याहारमा राखेकी छु ।’ सोनिस दिउँसो केही घण्टा त्यहाँ खेलेर घर आउँछन् । रश्मीलाले सामान्य सिलाइ, कटाइको काम गर्छिन् । श्रीमान् टिपर चलाउँछन् ।
रश्मीलाका अनुसार सोनिस सामान्य बच्चाजस्तै छन् । बरू साथीहरूभन्दा बाठा पो छन् । ‘भूकम्पले घरबार त उत्रियो तर छोरालाई सेनाले पढाइदिने भएको छ, छोरीलाई पनि दाताहरूले पढाउनुभएको छ,’ रश्मीलाले भनिन्, ‘बाबुलाई पाँचसम्म बाहिरकै बोर्डिङमा पढाउँछु । त्यो पैसा सेनाले नै तिरिदिन्छ । पछि वीरेन्द्र सैनिक स्कूलमा पढाउने कुरा छ ।’
सेनाले आफ्नौ गौरवस्वरूप सोनिसलाई स्नातक तहसम्म निःशुल्क अध्यापन गराउने वचन दिएको छ ।
सामान्यतया सेनाको स्कूलमा पढ्नेहरू सेनाकै जागिरे बन्ने गरेको उदाहारण छन् ।
त्यसो भए सोनिस पनि ठूलो भएपछि सेनामै पस्छ होला है ? लोकान्तरको जिज्ञासामा रश्मीलाले भनिन्, ‘पारा हेर्दा त त्यस्तै लाग्छ । चकचके छ । जम्प गर्छ । साइकल चलाउँछ । हाइजम्प पनि गर्छ ।’
छोरी सोनियालाई चाहिँ मनकामना केबलकारका रोशनबावु श्रेष्ठले दाताहरू खोजेर निःशुल्क पढाउने व्यवस्था मिलाएका छन् । बोर्डिङमै पढिरहेकी सोनियाको कुनै पनि खर्च घरबाट बेहोर्नुपर्दैन ।
छोराछोरीले पढ्न पाउने भएपनि घरवास चाहिँ उत्रिएको छ । कमलविनायकस्थलमा सानो ठाउँमा रहेको उनीहरूको पुरानो घर भत्किएको छ । अहिले त उक्त घर भएको ठाउँको जग्गा बाटोले खान लागेको रश्मीलाले बताइन् ।
‘चार भाइको घर थियो त्यो, तर भत्कियो,’ उनले भनिन्, ‘अब घर बनाउन त सकिँदैन होला, तर भूकम्पबाट जोगियौं, खुशी छौं ।’
भूकम्पमा पुरिएर रश्मीलाका जेठाजुका दुई छोरीको निधन भएपनि उनको तर्फ चाहिँ केही भएन ।
अहिले उनीहरू भक्तपुरमै कोठा भाडामा लिएर बसिरहेका छन् । *अर्काइभबाट
जाजरकोटको रामीडाँडालाई केन्द्रबिन्दु बनाएर गएराति गएको ६.४ म्याग्निच्यूडको भूकम्पका कारण धनजनको ठूलो क्षति भएको छ । नेपाल प्रहरीले दिएको तथ्यांकअनुसार १२९ जनाको मृत्यु भइसकेको छ भने १४० जना घाइते छन् ।...
‘मोबाइल डिभाइस म्यानेजमेन्ट सिस्टम (एमडीएमएस)’ आज (सोमबार)देखि लागू हुने भएको छ । नेपाल दूरसञ्चार प्राधिकरणले पहिलो चरणमा प्रणालीमा दर्ता नभएका केही मोबाइलको नेटवर्क लक गरेर यो प्रणाली कार्यान्वयन...
गत शुक्रबार राति गएको भूकम्पले जाजरकोट र रुकुम पश्चिम तहसनहस बनेका छन् । बाक्लो बस्ती रहेका बस्ती भूकम्पले उजाड बनेका छन् । प्रभावित क्षेत्रमा सन्नाटा छाएको छ । बाँचेकाहरू शोक र पीडामा छन् । ...
गएराति गएको भूकम्पले सबैभन्दा बढी जाजरकोटको नलगाड क्षेत्रमा क्षति गरेको छ । नलगाड नगरपालिकामा मात्रै तीन दर्जन बढीको ज्यान गएको जिल्ला प्रशासन कार्यालय जाजरकोटले जनाएको छ । अझै यकिन विवरण आउन बाँकी छ । ...
जाजरकोट भूकम्पमा ज्यान गुमाउनेमध्ये आधा बढी बालबालिका रहेका छन् । नेपाल प्रहरीले उपलब्ध गराएको तथ्याङ्क अनुसार कात्तिक १७ गते राति गएको भूकम्पबाट मृत्यु भएका १५३ मध्ये ७८ बालबालिका छन् । जाजरक...
सरकारी जग्गा हिनामिना प्रकरणमा डलर अर्बपति एवं कांग्रेस सांसद विनोद चौधरी पनि तानिएका छन् । बाँसबारी छाला जुत्ता कारखानाको जग्गा हडपेको आरोपमा भाइ अरुण चौधरी पक्राउ परेलगत्तै विनोद चौधरीले समेत संल...
सामान्यतः मानव समाजको आजसम्मको इतिहास जनयुद्धको इतिहास हो भन्दा फरक पर्दैन । किनकि, समयका प्रत्येक खण्डमा चाहे ती स्पाटाहरू होउन् या चार्टिष्टियन, सिलेसियाली होउन् या कम्युनाडोहरू अनि वोल्सेभिक–भियतकङ्&ndash...
रूढिवादी र पछौटे समाजले सधैँभरि अवतारको प्रतीक्षा गर्दछ । प्रतीक्षा गर्नेले आफू केही पनि कर्म गर्दैन र उसलाई पौरखमा त्यति विश्वास पनि हुँदैन । सामान्यतया व्यक्तिगत जीवनमा भाग्य र सामाजिक जीवनमा अवतारको प्रत...
कसैले आएर सत्य भनेको के हो ? भनेर सोध्यो भने हामी अलमलिन्छौँ । कसैले केही भनौँला कसैले केही । अझ कसैले त सत्य भनेको सत्य नै हो भन्न पनि बेर लगाउन्नौँ । तर सत्य त्यो मात्र होइन । सत्य भनेको हामी आफैँ हौँ । सत्य...