कात्तिक २४, २०८०
अख्तियार दुरुपयोग अनुसन्धान आयोगले क्षेत्रीय शिक्षा निर्देशनालय हेटौंडाका तत्कालीन कामु निर्देशक दिनेशकुमार श्रेष्ठसहित ७ जनाविरुद्ध भ्रष्टाचार मुद्दा दायर गरेको छ । सार्वजनिक सम्पत्तिको हानिनोक्सानी गरी भ्रष्टाचार...
विराटनगर, ३ जेठ– तस्करीको साढे ३८ क्विन्टल सुन र सनम शाक्य हत्याकाण्ड प्रकरणमा अहिले जिल्ला अदालत मोरङमा थुनछेक बहस चलिरहेको छ । सरकारतर्फका वकिलहरुको बहस सकिसकेको छ भने प्रतिवादी (अभियुक्त) पक्षका वकिलको बहस चलिरहेको छ ।
मोरङ जिल्ला अदालत स्रोतका अनुसार बुधवारसम्म प्रतिवादीका तर्फबाट बहस गर्न ६५ जना कानून व्यवसायीहरुले ११३ वकालतनामा दर्ता गराएका छन् । बुधवारसम्म प्रतिवादीका तर्फबाट ३५ जना वकिलहरुले बहस गरिसकेका छन् ।
सनम अपराधि अरु निर्दोष
अदालतमा बहस चलिरहेकै समयमा केही अधिवक्ताहरुले भने सुन तस्करी प्रकरणमा मारिएका सनम शाक्यलाई ‘अपराधी’ करार गरिसकेका छन् ।
सुन प्रकरणमा जोडिएका व्यापारी र प्रहरी अधिकारीको प्रतिरक्षामा उत्रिएका अधिवक्ताहरुले सुन तस्करीका नाइके चूडामणि उप्रेती (गोरे) र मारिएका सनम शाक्य बाहेक अरु ‘निर्दोश’ भएको दावी गरेका छन् ।
बुधवार तत्कालीन प्रहरी जवान बिष्णुबहादुर खड्काको प्रतिरक्षामा बहस गरेका वरिष्ठ अधिवक्ता हिक्मत पौडेलले उनकै शब्दमा अपराधी (सनम शाक्य)को मृत्यु भइसकेकाले अपराध पनि मरिसकेको दलिल पेश गरे ।
बुधवारको सुनुवाईमा सबैभन्दा पहिले बहस गरेका पौडेलले सनमको हत्याबाहेक सुन तस्करीको कुरा काल्पनिक कथा मात्रै भएको दावी पनि गरे । ‘सनम शाक्यको हत्यासँग सम्बन्धित मात्रै मुचुल्का छन् । सुन तस्करीको कुनै तथ्य नै छैन,’ बहसमा आफ्नो दलिल पेश गर्दै अधिवक्ता पौडेलले भने, ‘सुन तस्करीका सम्बन्धमा काल्पनिक कथा बुनिएको छ श्रीमान् ।’
अधिवक्ता पौडेलले सुन तस्करी हिसाव किताव राखिएको भनेर प्रहरीले बरामद गरेको भनेको लग बूक (डायरी)लाई प्रमाण मान्न नसकिने जिकिर गरे । ‘प्रमाण ऐनको दफा १४ अनुसार त्यस्तो डायरीलाई प्रमाण मान्न सकिँदैन,’ बहसका क्रममा ऐनको दफा पढेर सुनाउँदै अधिवक्ता पौडेलले भने, ‘प्रमाणका रुपमा बरामद भएको भनिएको डायरी र लगबूकको आधिकारिकता पनि छैन ।’
जवान खड्काको प्रतिरक्षामा उत्रिएका पौडेलले सुन तस्करीमा अन्य प्रहरी अधिकारीको संलग्नता नरहेको पनि दावी गरे ।
यस्तै प्रहरी जवानकै प्रतिरक्षमा बहस गरेका अर्का अधिवक्ता खगेन्द्र बहादुर श्रेष्ठले स्पष्ट आधारबिनै प्रहरी अधिकारी र आफ्नो पक्षका जवान विष्णुबहादुर खड्कामाथि अभियोग लगाइएको दाबी गरे ।
सुन तस्करीका अभियुक्तका ‘महंगा वकिल’
सुन तस्करी र सनम शाक्यको हत्यामा संलग्न भन्दै सरकार वकिलको कार्यालय मोरङले ६३ जनाविरुद्ध मोरङ जिल्ला अदालतमा संगठित अपराध र कर्तव्य जान मुद्दामा अभियोग पत्र दायर गरेको छ ।
सरकारी वकिलको कार्यालयले अभियोग पत्रमा २०४४–४५ सालदेखि नै नेपालमा सुन तस्करी हुने गरेको उल्लेख गरेको छ । अहिले मुद्दा खेपीरहेको समूह २०६९ सालदेखि संगठित भएको सरकारी वकिल कार्यालय मोरङले अभियोग पत्रमा उल्लेख गरेको छ ।
सरकारी वकिलको कार्यालयले सुन तस्करी र सनम शाक्यको हत्यामा संलग्न भन्दै प्रहरीका बहालवाला ८ जना १ जना पूर्व कर्मचारीविरुद्ध मुद्दा दर्ता गरेको छ । मुद्दा दर्ता भएका प्रहरीकर्मचारीमध्ये निलम्बित प्रहरी बरिष्ठ उपरीक्षक (एसएसपी) श्याम बहादुर खत्री फरार छन् भने अन्य ८ जना हिरासतमा छन् ।
हिरासतमा रहेकामध्ये अधिकांश प्रहरी कर्मचारीले भने आफ्नो प्रतिरक्षाका लागि तुलनात्मक रुपमा महंगा मानिने (बढी सेवाशुल्क) लिने कानून व्यवसायी छानेका छन् । पूर्वमहान्याधिवक्ता रमन श्रेष्ठदेखि वरिष्ठ अधिवक्ता शम्भु थापाले सुन तस्करीका अभियुक्तको प्रतिरक्षामा बहस गरेका छन् ।
काठमाडौंका कानून व्यवसायीबीच चल्ने चर्चाका अनुसार वरिष्ठ अधिवक्ता शम्भु थापाले कुनै १ व्यक्तिको पक्षमा १ घण्टा वकालत ३ देखि ४ लाख रुपैयाँ लिन्छन् । जबकि उनले आइतवार मोरङ जिल्ला अदालतमा सुन तस्करीका अभियुक्त प्रहरीका निलम्बित एसपी विकास खनाल र सुन व्यापारी भनिएका राप्रपा (प्रजातान्त्रिक)का नेता भुजुङ गुरुङको पक्षमा २ घण्टा बहस गरे ।
त्यस्तै पूर्वमहान्यायाधीवक्ता समेत रहेका वरिष्ठ अधिवक्ता रमण श्रेष्ठले भुजुङ गुरुङ, विकासराज खनाल र प्रहरीका पूर्व डिआईजी गोविन्द निरौलाको प्रतिरक्षामा बहस गरे ।
वरिष्ठ अधिवक्ता श्रेष्ठमार्फत बहस गराएका एक व्यक्तिको भनाइअनुसार उनले १ घण्टा बहस गरेवापत २ लाख ५० हजार रुपैयाँ लिन्छन् । लोकान्तरसँगको कुराकानीमा भने अधिवक्ता श्रेष्ठले आफ्नो पारिश्रमिक खुलाएनन् ।
‘कसैले मलाई महंगो वकिल भन्छन् पनि होला । तर म आफूले गर्ने वकालतअनुसारको सेवाशुल्क लिन्छु,’ लोकान्तरसँगको कुराकानीमा श्रेष्ठले भने, ‘तर मैले कति पारिश्रमिक लिन्छु भनेर मिडियामा भन्नु त भएन नि !’
अख्तियार दुरुपयोग अनुसन्धान आयोगले क्षेत्रीय शिक्षा निर्देशनालय हेटौंडाका तत्कालीन कामु निर्देशक दिनेशकुमार श्रेष्ठसहित ७ जनाविरुद्ध भ्रष्टाचार मुद्दा दायर गरेको छ । सार्वजनिक सम्पत्तिको हानिनोक्सानी गरी भ्रष्टाचार...
सूचनाको हकसम्बन्धी ऐन, २०६४ बमोजिम प्रधानमन्त्रीका सचिवालय सदस्यहरूको नियुक्ति तथा पारिश्रमिकसम्बन्धी विवरण उपलब्ध गराएबापत प्रधानमन्त्री कार्यालयकी सूचना अधिकारी कविता फुयाँलको जिम्मेवारी खोसिएको छ । करिब ५ वर्...
अख्तियार दुरुपयोग अनुसन्धान आयोगले टेलिकम्युनिकेसन ट्राफिक मनिटरिङ एण्ड फ्रड कन्ट्रोल सिस्टम (टेराम्क्स) प्रविधि खरिद प्रकरणमा नेपाल दुरसञ्चार प्राधिकरणका २० जना पदाधिकारी तथा कर्मचारीसँग बयान लिएको छ । ट...
यातायात कार्यालयका कर्मचारी र बिचौलियाको मिलेमतोमा ठूलो संख्यामा अवैध लाइसेन्स बाँडिएको प्रकरणमा अख्तियार दुरुपयोग अनुसन्धान आयोगले छानबिन शुरू गरेको छ । लिखित र ट्रायल परीक्षा नै नलिई अवैध ढंगले ठूलो परिमा...
त्रिभुवन विमानस्थल भन्सार बाहिरबाट गत साउन २ गते समातिएको झण्डै ६१ केजी सुन तस्करीमा संलग्न विचौलिया जीवन चलाउनेले प्रहरी हिरासतबाट छुट्न ६० लाखको बार्गेनिङ भएको छानबिन समितिलाई बयान दिएका छन् । ३० लाख रुपैय...
नेपालको संविधान पछिल्लो जनगणनाका आधारमा सबै घरधुरी वा घरबासमा नि:शुल्क उपलब्ध गराउन सर्वोच्च अदालतले दिएको आदेशको पूर्णपाठ सार्वजनिक भएको छ । अधिवक्ता विकास भट्टराईले दिएको रिटमा न्यायाधीशद्वय सुष्मालता माथ...
हामी १५औं अन्त्य गरेर १६औं योजनाको तयारीमा जाँदै छौं । दलका शीर्ष नेताबीच १६औं योजनाको विषयमा छलफल भएको छ । १५औं योजनाको असफलता र नमिलेका कुरालाई १६औं मा सुधार्छौं । हाम्रो गन्तव्य कहाँ हो भन्ने संविधानले ...
सच्चा लोकतन्त्रमा सिमान्तमा रहेको नागरिकले पनि यो देश मेरो हो भन्ने अनुभूति गर्न सक्नेछ- माहात्मा गान्धी । माथि गान्धीको भनाइ किन उद्धृत गरिएको हो भने नयाँ वर्षको आगमन भैसकेको छ र २०८० को बिदाइ बडो हर्षपूर्वक...
एक दिन काम विशेषले नयाँ सडकतिर गएको थिएँ, मोबाइल टिङटिङ गर्यो । हेरेँ पुराना मित्र जयदेव भट्टराई, सम्पादक मधुपर्क (हाल अवकाश प्राप्त) ले सम्झेका रहेछन् । हामी दुई लामो समयसम्म सँगै रह्यौँ, कहिले गोरखापत्र...