काठमाडौं, ८ जेठ – अभिनेता सलमान खानको अपकमिङ फिल्म भारतमा तब्बु पनि खेल्ने भएकी छन् ।

अनि सुनिल ग्रोभर र दिशा पाटनी पनि फिल्ममा छन् र उनीहरू सलमानको साथीको भूमिका छन् । 

सलमानकी साथी तथा उम्दा अभिनेत्री तब्बु फिल्ममा प्रमुख भूमिकामा हुनेछिन् । फिल्ममा तब्बुको पात्र कस्तो हुनेछ भनी खुलाइएको छैन । निर्देशक अली अब्बास जफरले भने, ‘म तब्बुको कामको प्रशंसक हुँ र उनीसँग काम गर्ने मेरो
इच्छा पहिलेदेखि नै थियो । उनीसँग अनेक बैठकपछि उनी भारत फिल्ममा काम गर्ने भएकी छन् । म शूटिङको व्यग्र प्रतीक्षा गरिरहेको छु ।’

सलमान खान र तब्बु सन् १९९६ मा आएको फिल्म जीतमा देखिएका थिए । पछि उनीहरू बीबी नं १, हम साथ साथ हैं र जय हो मा पनि देखिए ।

भारतमा सलमानकी हिरोइन प्रियंका चोपडा हुनेछिन् । दुवैजना १० वर्षपछि रजतपटमा सँगै देखिनेछन् । यसअघि उनीहरू गड तुस्सी ग्रेट हो मा देखिएका थिए ।

भारत सन् २०१९ को ईदमा रिलिज हुनेछ ।

एजेन्सी