काठमाडौं, ८ जेठ – बेलायतका राजकुमार ह्यारीकी पत्नी बनिसकेकी अमेरिकी अभिनेत्री मेगन मार्कल अब डचेज अफ ससेक्स बनेकी छन् । 

रानी एलिजाबेथका नाति ह्यारी र टीभी शृंखला सुट्सकी अभिनेत्री बेलायती शाही परिवार हजारौं वर्ष पुरानो विन्डसोर क्यासलस्थित सेन्ट जर्जमा बिहे गरे । 

मार्कल शाही परिवारको अंग भइसकेपछि उनले केही नियम पालन गर्नुपर्ने भएको छ । यस्ता छन् नियम ः

रानीभन्दा अघि नसुत्ने
मेगन रानी एलिजाबेथभन्दा पहिले सुत्न पाउँदिनन् । कुनै समारोहमा उनीहरू सँगै भए भने मेगन रानीअघि नै सुत्न गइन् भने गलत मानिनेछ ।

फिल्ममा खेल्न नपाउने
अभिनेत्री मेगनले अब कहिले पनि फिल्म वा टीभीमा खेल्न पाउने छैनन् । 

शास्त्रीय पहिरन
मेगनले अब शाही मर्यादाअनुसार लुगा लगाउनुपर्छ । शाही परिवारमा ड्रेसकोड महत्त्वपूर्ण हुन्छ । 

अटोग्राफ बन्द
हलिउड स्टारका रूपमा मेगन जहाँ गएपनि अटोग्राफ दिन्थिन् । तर अब उनले अटोग्राफ साइन गर्दै हिँड्न पाउँदिनन् । 

भोट बन्द
मेगनले बेलायती नागरिकताका लागि निवेदन दिएपनि उनले मतदान अधिकार पाउँदिनन् । शाही परिवारले संसदमा मत दिँदैन र राजनीतिक नेताहरूका बारेमा कुनै धारणा अभिव्यक्त गर्दैन । 

सामाजिक सञ्जाल बन्द
मेगनलाई सामाजिक सञ्जाल चलाउने अनुमति छैन । उनले सेल्फी पनि लिन पाउँदिनन् किनकि रानीलाई सेल्फी मन पर्दैन । 

एक्लो यात्रा बन्द
मेगन अब एक्लै यात्रा गर्न पाउँदिनन् । मेगनको कुरा छिनेसँगै शाही संरक्षण अधिकारीहरू उपलब्ध गराइएका थिए । 

तडकभडक बन्द
तडकभडकयुक्त कपडा लगाउन मेगनलाई मनाही छ । यो शाही ड्रेसकोडविरुद्ध छ । उनले धेर चम्किलो नेल पलिश पनि लगाउन पाउने छैनन् । 

सार्वजनिक प्रेम बन्द
प्रेमको सार्वजनिक प्रदर्शन शाही परिवारमा प्रतिबन्धित छ । यो प्रदर्शनलाई रानी एलिजाबेथले पटक्कै मन पराउँदिनन् । 

गोडा खप्ट्याएर बस्न नहुने
मेगनले अब उठ्ने बस्ने तरिकामा पनि विचार पु–याउनुपर्छ । शाही परिवारका सदस्यहरूले गोडा खप्ट्याएर बस्ने अनुमति छैन । 

एजेन्सी