काठमाडौं, ८ जेठ – पाकिस्तानको कराँचीमा कडा लू चल्दा कम्तीमा ६५ जनाको मृत्यु भएको छ ।

सोमवार तापक्रम ४४ डिग्री सेल्सियस पुगेको पाकिस्तानी मौसम विभागले बतायो । 

शहरभरि बिजुली नहुँदा अनि मुसलमानको पवित्र महिना रमजान चलिरहँदा मानिस आलसतालस परेका छन् । 

लू भारतको केन्द्रीय र उत्तरी भागमा समेत पुगेको छ । असारमा मनसून नलागुन्जेल गर्मी कायम रहने अपेक्षा गरिएको छ । 

कराँचीमा यसअघि पनि प्रचण्ड गर्मी हुने गरेको छ । सन् २०१५ मा त्यहाँको तापक्रम ४५ डिग्री पुगेको थियो र कम्तीमा १३ सयजनाको ज्यान लिएको थियो । 

एजेन्सी