महेन्द्रनगर, ६ असार– नेपाल विद्युत प्राधिकरणका कर्मचारी घुस लिँदा लिँदै रंगेहात पक्राउ परेका छन् । 

नेपाल विद्युत प्राधिकरण कञ्चनपुर वितरण केन्द्र अन्तर्गत फ्युज सेवा कार्यालय गड्डाचौकीमा कार्यरत कर्मचारी हर्कबहादुर चन्द बुधवार घुससहित पक्राउ परेका हुन् । 

नियमानुसार राजश्व तिरी विजुलीको पोल अन्यत्र सारी दिनु भनी दिएको निवेदनमा आलटाल गरी विभिन्न बाहना बनाइ सेवाग्राहीसँग घुस रकम माग गरिरहेको भन्ने उजुरी एवं सूचनाको आधारमा अख्तियार दुरुपयोग अनुसन्धान आयोगको कार्यालय कञ्चनपुरबाट खटिइ गएको टोलीले चन्दलाई ५ हजार रुपैयाँ घुससहित पक्राउ गरेको हो ।