×

NMB BANK
NIC ASIA

सहजै उम्किन्छन् कालोबजारीका अभियुक्त, मन्त्रीलाई झुक्याउने नै रिहा !

असार ७, २०७५

NTC
Sarbottam
Premier Steels
Marvel

जनकपुरधाम, ७ असार – उपभोक्ताका लागि कृत्रिम अभाव सिर्जना गरेर कालोबजारी गर्ने अभियुक्तहरू सहजै उम्किने गरेको पाइएको छ ।

Muktinath Bank

जनकपुरमा पेट्रोलियम पदार्थमा कालोबजारी गरेर पक्राउ परेका अभियुक्तलाई प्रमुख जिल्ला अधिकारी (सीडीओ)ले तारेखमा रिहा गरेका छन् ।


Advertisment
RMC TANSEN
IME BANK INNEWS
shivam ISLAND

छ्याप्छ्याप्ती कालोबजारी


Advertisment
Nabil box
Kumari

बजार अनुगमनका क्रममा कालोबजारी गरेको भेटिएपछि गत जेठ २८ गते जनकपुर उपमहानगरपालिका–१४ स्थित मुजेलियामा सञ्चालनमा रहेको बाबा आयल स्टोरमा शिलबन्दी गरियो । प्रहरीले स्टोरका सञ्चालक तथा पेट्रोल व्यवसायी संघ धनुषाका अध्यक्ष विष्णुदेव साहलाई पक्राउ समेत गर्यो ।

Vianet communication
Laxmi Bank

अनुगमनका क्रममा स्टोरमा पेट्रोल र डिजेल रहेतापनि पेट्रोल पम्प बन्द गरी कृत्रिम अभाव सिर्जना गरिएको थियो । स्टोरका ४ ट्याङ्कीमा २ हजार ४ सय ६५ लिटर पेट्रोल र ट्याङ्कीमा ४ हजार १ सय ४९ लिटर डिजल रहेको पाइएपछि कारवाही प्रक्रिया अगाडि बढाइएको थियो । 

जिल्ला प्रशासन कार्यालय र जिल्ला प्रहरी कार्यालय धनुषाको संयुक्त टोलीले अनुगमन गरेको थियो । तर, केही दिनपछि प्रमुख जिल्ला अधिकारी गोपाल पराजुलीले अभियुक्तलाई उन्मुक्ति दिएका छन् । अध्यक्ष साहकै भाई तथा ट्याङ्कर व्यवसायी संघ धनुषाका अध्यक्ष किशुनदेव साहले सञ्चालन गरेको जनकपुर आयल स्टोरमा छापा हान्दा ७ सय ७५ लिटर पेट्रोल र ९ सय ७ लिटर डिजल पाइएको थियो । टोलीले स्टोरमा शिलबन्दी गर्दै साहलाई पक्राउ गरेको थियो ।

जनकपुर–७ जिरोमाइलस्थित भी आयल स्टोर्समा समेत टोलीले छापामारी गर्दा ३ हजार ४ सय ६१ लिटर पेट्रोल र ३ हजार ३ सय ९६ लिटर डिजेल बरामद गरिएको थियो । पेट्रोल पम्पका व्यवस्थापक रामप्रकाश साह र पम्पमा पेट्रोल नाप्ने कामदार नविनकुमार महतो पक्राउ समेत गरिएको थियो । अनुगमन टोलीले छापा मार्नुअघि आफैं ग्राहक बनेर गोप्य अनुगमन गरेको थियो । अनुगमनका क्रममा पेट्रोल नभएको बताएपछि दिएपछि छापा हानेको जनाइएको छ ।

पक्राउ परेको केही दिनमै असार ४ गते सीडीओ पराजुलीले अभियुक्तलाई ठहरे बमोजिम हुने गरी भन्दै जनही ५० हजार रुपैयाँ धरौटीमा रिहा गरे ।

मन्त्रीलाई नै झुक्याएर कालोबजारी

उद्योग, वाणिज्य तथा आपूर्ति मन्त्री मातृकाप्रसाद यादव चढेको गाडीले जेठ २८ गते पेट्रोल माग्दा समेत ‘छैन’ भनेर पेट्रोल पम्प सञ्चालकले फर्काइदिएका थिए । गाडीमा इन्धन भर्न मन्त्री आफैं जनकपुरको जिरोमाइलस्थित भी आयल स्टोर्समा पुगेका थिए । त्यहाँ ‘पेट्रोल र डिजेल छैन’ भन्ने कुरा लेखेर झुण्ड्याइएको थियो । मन्त्री यादव त्यसपछि डिजेल नलिइकनै जलेश्वर गएका थिए ।

तर, साँझ उनी जलेश्वरबाट फर्किदै गरेको बेलामा भी आयलमा ग्यालनमा पेट्रोल र डिजेल बेचिरहेको मन्त्रीले देखे । लगत्तै मन्त्री यादवले धनुषाका एसपीलाई फोन गरेर पेट्रोल पम्पमा छापामारी गर्न निर्देशन दिएका थिए । त्यसपछि धनुषाका एसपी गोविन्द थपलियाले पेट्रोल पम्पमा छापामारी गर्न लगाएका थिए ।

अभियुक्त उम्किने कारवाही प्रक्रिया

कालोबजारीका अभियुक्त पक्राउ गर्दा धनुषाका प्रमुख जिल्ला अधिकारी (सीडीओ) गोपाल पराजुली जिल्लामा थिएनन् । उनी बिदामा बसेका थिए । धनुषा प्रहरीले ती सबैविरुद्ध कालोबजारी तथा अन्य सामाजिक अपराध र सजाय ऐन २०३२ अनुसार कारवाही प्रक्रिया अगाडि बढाएको थियो ।

ऐनको माग दाबी बमोजिम अभियुक्तलाई १ वर्षसम्म कैद वा १० लाख रुपैयाँसम्म जरिवाना वा दुवै सजाय हुन सक्ने जिल्ला सरकारी वकिल कार्यालय धनुषाका न्यायाधिवक्ता टेकबहादुर कार्कीले बताए । नेपाल आयल निगम इन्धन डिपो महेन्द्रनगरका प्रमुख मोहनकुमार साहलाई पनि धनुषा प्रहरीले पक्राउ गरी बयानका लागि जिल्ला प्रशासन कार्यालयमा उपस्थित गराएको थियो । प्रजिअ पराजुली बिदामा बसेका कारण उनलाई प्रत्येक दिन तारेखमा राखेर छोड्ने गरिन्थ्यो ।

जेठ ३०, ३१, असार १ र ३ गते उनले तारेख लिएका थिए । पछि नेपाल आयल निगम केन्द्रीय कार्यालयले साहलाई पत्र प्राप्त भएको मितिदेखि २४ घण्टाभित्र केन्द्रीय कार्यालयमा हाजिर हुने भनेर असार १ गते पत्र आएपछि खोजी गरेको बखत जुनसुकै बेला पनि उपस्थित हुने गरी साहलाई सीडीओ पराजुलीले छाडेका थिए ।

अभियुक्तहरू धरौटीमा रिहा

कालोबजारीका अभियुक्त पक्राउ गर्दा सीडीओ पराजुलीले कम्तिमा पनि २५ दिन अभियुक्तलाई थुनामा राखेर थुनछेक मुद्दाको आदेश हुने बताएका थिए । तर, पक्राउ परेको केही दिनमै असार ४ गते सीडीओ पराजुलीले अभियुक्तलाई ठहरे बमोजिम हुने गरी भन्दै जनही ५० हजार रुपैयाँ धरौटीमा रिहा गरे ।

सीडीओको बोली र व्यवहार फरक–फरक भएपछि आर्थिक चलखेल भएको हुन सक्ने आशंका गरिएको छ । ‘बाहिर के कस्तो हल्ला छ भन्ने कुरा मलाई थाहा छैन, आफूले गरेको आदेश कानून बमोजिम नै हो । कानून नजान्ने मान्छेले त जे पनि भनि हाल्छ नि !’ सीडीओ पराजुलीले लोकान्तरसँग भने, ‘अहिले मुद्दा छिनिएको छैन, पछि दोषी ठहरे बमोजिम हुने नै छ । तर, अहिले थुनछेकको क्रममा भने कसूरको मात्रा अनुसार आदेश गर्ने हो ।’

अभियुक्तहरू तारेखमा छुटेकाले सीडीओलाई आर्थिक प्रलोभनमा पारेर सामान्य जरिवानाका भरमा उन्मुक्ति पाउने स्थानीयले दावी गरेका छन् । कृत्रिम अभाव सिर्जना गरेर कालोबजारी गर्नेहरूले पेट्रोल भारततिर बिक्री गर्ने गरेको स्थानीय बताउँछन् । नेपालमा पेट्रोलियम पदार्थको मूल्य बढ्ने र घट्ने क्रम चलिरहेकाले पेट्रोल व्यवसायीले पेट्रोल तस्करमार्फत् भारतमा बढी रकम लिएर बिक्री गर्दै आएका छन् ।

hAMROPATRO BELOW NEWS
TATA Below
फागुन ५, २०८०

श्रीमान्–श्रीमती नैं शाखा अधिकृत, त्यो पनि एकसाथ । यस्तो सुखद संयोग सरकारी सेवामा प्रवेश गर्न चाहनेमध्ये कमैलाई मात्र जुर्ने गर्छ । तर, गुल्मीको धुर्कोट गाउँपालिका वडा नम्बर–६ का सुरेन्द्र पाण्डे र रमित...

मंसिर १४, २०८०

प्रगतिशील राजनीतिको 'फ्रन्टलाइन'मा देखिने नेताहरू जति कठोर हुन्छन्, त्यो भन्दा बढी ‘इमोसनल र सेन्टिमेन्टल’ पनि हुन्छन् । त्यस्तै ‘इमोसनल फिलिङ्स’का बाबजुद परिस्थितिले कठोर बन्दै गएक...

माघ २०, २०८०

नृत्यका पारखीहरूका लागि लुम्बिनी प्रदेशमा लोकप्रिय नाम हो किशोर थापा । रुपन्देहीका किशोरको परिचय खाली नृत्यकार (डान्सर)मा मात्र सीमित छैन । उनी नृत्य निर्देशक, गायक, मोडल र फूटबल खेलाडीको रूपमा समेत उत्तिकै च...

कात्तिक २५, २०८०

बुटवलका कुलचन्द्र पाण्डे सफल पर्यटन व्यवसायी हुन् । कुनै समय भारतको एउटा कम्पनीमा काम गरेका पाण्डे अहिले रूपन्देहीमा ‘एसियन ब्राण्ड’ चम्काउने ‘टुरिजम’ उद्यमीका रूपमा चिनिन्छन् । तीन दशकअघि...

मंसिर ३०, २०८०

बुधवार काभ्रेको धुलिखेलस्थित काठमाडौं विश्वविद्यालयका १ हजार ८३८ जना विद्यार्थीमाझ सनम ढकाल दृश्यमा आए । एमबीबीएसमा सर्वोत्कृष्ट भएर गोल्ड मेडल ल्याउँदै सनम दीक्षित भएसँगै सबैमाझ परिचित भएका हुन् ।  काठम...

फागुन २६, २०८०

पोखराका अशोक खड्काको पारिवारिक वातावरण सानैदेखि उद्यमशीलताको थियो । उनका बुवा सधैं एकै सुझाव दिइरहन्थे– नेपालमै केही गर्नुपर्छ । उनको बालमस्तिष्कमा त्यही छाप पर्यो । विदेश जाने सोच कहिल्यै बनाएनन् । नेप...

'एमाले यो सरकारको धरौटीमा छ, बजेट सहमतिमै बन्छ'

'एमाले यो सरकारको धरौटीमा छ, बजेट सहमतिमै बन्छ'

बैशाख ७, २०८१

हामी १५औं अन्त्य गरेर १६औं योजनाको तयारीमा जाँदै छौं । दलका शीर्ष नेताबीच १६औं योजनाको विषयमा छलफल भएको छ । १५औं योजनाको असफलता र नमिलेका कुरालाई १६औं मा सुधार्छौं । हाम्रो गन्तव्य कहाँ हो भन्ने संविधानले ...

उल्लासविहीन नयाँ वर्ष, चंगुलमा परेको लोकतन्त्र

उल्लासविहीन नयाँ वर्ष, चंगुलमा परेको लोकतन्त्र

बैशाख ६, २०८१

सच्चा लोकतन्त्रमा सिमान्तमा रहेको नागरिकले पनि यो देश मेरो हो भन्ने अनुभूति गर्न सक्नेछ- माहात्मा गान्धी । माथि गान्धीको भनाइ किन उद्धृत गरिएको हो भने नयाँ वर्षको आगमन भैसकेको छ र २०८० को बिदाइ बडो हर्षपूर्वक...

ज्ञान र विज्ञानको भण्डार

ज्ञान र विज्ञानको भण्डार

बैशाख १, २०८१

एक दिन काम विशेषले नयाँ सडकतिर गएको थिएँ, मोबाइल टिङटिङ गर्‍यो । हेरेँ पुराना मित्र जयदेव भट्टराई, सम्पादक मधुपर्क (हाल अवकाश प्राप्त) ले सम्झेका रहेछन् । हामी दुई लामो समयसम्म सँगै रह्यौँ, कहिले गोरखापत्र...

x