काठमाडौं, ८ असार – अन्लाइन सेल बेवसाइटमा हार्ले डेभिडसनको विज्ञापन हेरेर बाइक किन्न आएका एक युवकले ट्रायलको बहाना बनाएर बाइक लिई बेपत्ता भएका छन् । धेरै बेरसम्म पनि युवक नआएपछि बाइक मालिकले प्रहरीमा उजुरी गरेका छन् । 

भारतको हरियाणाको गुडगाउँमा यो घटना भएको थियो । त्यहाँको पालम विहार निवासी अजयले आफ्नो हार्ले डेभिडसन बाइक बेच्नका लागि ओएलएक्समा राखेका थिए । जुन १३ मा राहुल नागर नामक एक युवकले उनीसँग सम्पर्क
गरे । त्यसपछि दुवैबीच बाइकका विषयमा अन्लाइन च्याटिङ गरेका थिए । जुन १५ मा उनीहरू बिहान साइबर हबमा भेट्ने निश्चित भयो । दुवै त्यहाँ पुगे र फोन सम्पर्क गरेर भेटे । 

भेटघाटमा राहुलले बारम्बार बाइकका बारेमा सोधे । उनले आगरा बस्ने गरेको र विदेशमा मार्बल आपूर्तिको व्यापार गर्ने गरेको बताए । त्यसपछि दुवैजना गए । 

दिउँसो उनले फोन गरे र बेलुका पौने ६ बजे हार्ले डेभिडसनको शोरूममा बोलाए । त्यहाँ मेकानिकबाट बाइक चेक गराए । मेकानिकले सबै ठीक रहेको बताए । 

उनीहरू दुवै शोरूमबाट बाहिर निस्के र कुराकानी गरे । सात लाख भारुमा बाइक बिक्री गर्ने कुरा भयो । उसले फेरि टेस्ट ड्राइभ गर्छु भन्यो । अनि बाइक लिएर गएको मान्छे गायब भयो । 

अजयले उसलाई बारम्बार कल गरेपनि उसले कलको जवाफ फर्काएन अनि पछि त मोबाइल स्विच अफ भयो । अनि अजयले प्रहरी नियन्त्रण कक्षमा सूचना दिए । पछि उनी उजुरी गर्न आफैं प्रहरी कार्यालय पुग्दा प्रहरीले ‘आज ईदको
बिदा छ, भोलि आउनू’ भने । त्यसपछि अजय निराश भए अनि अनलाइन उजुरी गरे ।

एजेन्सी