काठमाडौं, १० असार -नेपाली कांग्रेसका युवानेता चन्द्र भण्डारीले प्रधानमन्त्री केपी शर्मा ओलीको चीन भ्रणमले परम्परागत संकुचनलाई चिर्न नसकेको प्रतिक्रिया दिएका छन् ।

सामाजिक सञ्जाल फेसबुमा प्रतिक्रिया सार्वजनिक गर्दै भण्डारीले प्रधानमन्त्रीको भ्रमण राष्ट्रिय हितमा भन्दा पनि कुर्सीको सुरक्षामा केन्द्रित भएको टिप्पणीसमेत गरेका छन् ।

भण्डारीले फेसबुकमा लेखेका छन्- 'नेपालका प्रधानमन्त्री केपी शर्मा ओलीकाे कुटनैतिक चीन भ्रमणबाट नेपालले अपेक्षा राख्नु स्वाभाविकै हाे । याे भ्रमणले पनि परम्परागतता एवं संकुचिततालाई चिर्न सकेन, किनकि नेपालको नेतृत्वले राष्ट्रिय हितभन्दा सिंहदरबारको कुर्सीकाे सुरक्षा रोज्यो ।'

साथै उनले चिनियाँ रेल आउने कुरा ओबीओआरमार्फत् हुने भन्दै यसमा कसैले तँछाडमछाड गर्न आवश्यक नभएको समेत लेखेका छन् ।

यस्तो छ स्टाटस :

नेपालका प्रधानमन्त्री केपी शर्मा ओलीकाे कुटनैतिक चीन भ्रमणबाट नेपालले अपेक्षा राख्नु स्वाभाविकै हाे । याे भ्रमणले पनि परम्परागतता एवं संकुचिततालाई चिर्न सकेन, किनकि नेपालको नेतृत्वले राष्ट्रिय हितभन्दा सिंहदरबारको कुर्सीकाे सुरक्षा रोज्यो । नेपाल-चीनसम्बन्ध विशिष्ट हुनुपर्ने हाम्रो अवधारणा हाे । हामीले पटक-पटक भाेगेकाे नाकाबन्दी, इन्धनमा एकाधिकार, लिपुलेक विवाद अादि यी सबै अाजकाे ग्लाेबल भिलेजकाे समयमा पनि ओझेलमा पर्नु हामी नेपालीका लागी दुर्भाग्यपूर्ण हाे । जँहासम्म चिनियाँ रेल काठमाडौंसम्म ल्याउने कुरा छ त्यो त OBOR (सिल्क रोड) बाट विश्वबजारमा चीनले रेलमार्गमार्फत् कनेक्टिभिटी गर्ने कार्यक्रम र रणनिती अन्तर्गत हो । यसका निम्ति कसैले तँछाडमछाड गर्नुपर्दैन । नेपाल-चीन सम्बन्ध गम्भीरताका साथ पुनर्परिभाषित गर्नु पर्ने टड्कारो अावश्यक्ता छ, जसका निम्ति नेपालकाे नेतृत्वको एउटै अावाज हुनुपर्दछ। नेतृत्वको विवादमा नेपालकाे दर्द लुकेको छ । नेपालले अब नयाँ नेतृत्वकाे महसुस गरेको छ, जसले नेपाली भूमि मा टेकेर अाफ्नाे राष्ट्रिय हितमा अाफ्नाे निर्णय अाफैं गर्न सकाेस् । प्रधानमन्त्री केपी अोलीलाई राजकीय भ्रमणकाे निरन्तरताका लागि धन्यवाद !