ललितपुर, १० असार – ललितपुर महानगरपालिकाले तोकिएको मितिमा बजेट सार्वजनिक गर्न सकेन । 

बजेटलाई लक्षित गरेर कार्यपालिकाको बैठक बस्न नसक्दा बजेट समयमा आउन नसकेको हो । असार २५ गते मात्रै बजेट सार्वजनिक गर्ने महानगरपालिकाले निर्णय गरेको छ । 

यसैबीच गोदावरी नगरपालिकाको बजेट सार्वजनिकीकरण कार्यक्रममा नेपाल कम्यूनिस्ट पार्टीकी पम्फा भुसालले ललितपुर महानगरपालिकाले समयमा बजेट ल्याउन चुकेको बताइन् । समयमा बजेटमाथि छलफल नियाल्दा तोकिएको मितिमा बजेट आउन नसकेको हो ।

उनले भने, ‘हिजोअस्ति बैठक नै नबसेर बल्ल आजदेखि शुरू भएको छ ।’ वडा नम्बर ३ का अध्यक्ष श्रीगोपाल महर्जन चैतबाट बजेटमा छलफल थाल्नुपर्नेमा अझैसम्म शुरू नभएको बताउँछन् । उनी भन्छन्, ‘आजदेखि बल्ल उहाँले बजेटमाथि छलफल शुरू गर्नुभएको छ ।’ प्रमुख पटक–पटक विदेश भ्रमण गइरहँदा पनि समयमा हुन नसकेको उनको आरोप छ । 

वडा नम्बर २७ का अध्यक्ष बाबुराजा महर्जनले छलफल गर्दागर्दै बजेटलाई पूर्णता दिन नभ्याएको बताए । उनले भने, ‘ढिला भए पनि राम्रो बजेट ल्याउनुपर्छ ।’ बजेटमाथि विस्तृतरुपमा छलफल भइरहेको उनले बताए ।