माघ २०, २०८०
नृत्यका पारखीहरूका लागि लुम्बिनी प्रदेशमा लोकप्रिय नाम हो किशोर थापा । रुपन्देहीका किशोरको परिचय खाली नृत्यकार (डान्सर)मा मात्र सीमित छैन । उनी नृत्य निर्देशक, गायक, मोडल र फूटबल खेलाडीको रूपमा समेत उत्तिकै च...
असार २९, २०७५
काठमाडौं – भक्तपुर सिर्जनानगरमा इँट्टा र जस्ताले निर्मित एउटा टहरा छ । सो टहरामा जाने बाटोमा बिहीवारको बाढीले थुपारेको हिलो अझै सुकेको छैन ।
शुक्रवार दिउँसो हामी त्यहाँ पुग्दा ६० वर्षीया सोमती तामाङ टाउकोमा हात राखेर दैलोमा बसिरहेकी थिइन् । घरको ढोकासम्मै अझै बाढीको पानी थियो ।
बुधबार राति हनुमन्ते खोलामा आएको बाढीले घरभित्रै डुबेकी तामाङलाई सुरक्षाकर्मीले अस्पताल पुर्याएका थिए ।
‘रातभरि पानी परेपछि सुतेकै थिइनँ, खाटमा बस्दाबस्दै एक्कासि बाढी आएर खाटमै डुबायो । बाहिर निस्किनै सकिनँ । बाँच्दिन जस्तो लाग्यो । म त बेहोस नै भएछु,’ तामाङले त्यो भयानक रात सम्झिँदै लोकान्तरसँग भनिन्, ‘कुन बेला प्रहरी आएर मलाई अस्पताल लगेछन् । बिहान १० बजे होश आउँदा अस्पतालमा रहेछु ।’
होश आएपछि उनी अस्पतालबाट डिस्चार्ज भइन् । अस्पतालबाट फर्किँदा घर डुबानमै थियो । त्यहाँ बस्ने अवस्था नभएपछि छिमेकीको घरमा सहारा लिएर रात गुजारिन् । बिहानै उठेर आफ्नो घरमा आइपुगेकी तामाङ भिजेका ओछ्यान र घरका सामानहरू हेरेर टोलाउँदै थिइन् ।
‘बिहानको खाना छिमेकी दाइले ल्याइदिनुभयो, त्यही खाएँ । घरभित्र पसेको बाढी अझै सुकेको छैन । हिलो छ । चिप्लिन्छ । भिजेका सामान अझै निकाल्न सकेकी छैन,’ यति भन्दै गर्दा उनका आँखा रसाए ।
उनले थपिन्, ‘अब त बुढी भइसकेँ । सास रहुञ्जेल दुःख गर्नैपर्ने रहेछ । कहिलेसम्म यसरी बस्नुपर्ने हो, थाहा छैन,’ उनका गला अवरुद्ध भए ।
लोकान्तरसँग कुराकानी गर्दैगर्दा उनका दुई छिमेकी आइपुगे । उनीहरूकै सहयोगमा डुबेका शिरक डसना बाहिर निकालिन् ।
विगत २२ वर्षदेखि भक्तपुर सिर्जनानगरमा बस्दै आएकी तामाङको स्थायी घर काभ्रे हो । उनका आफ्नै छोराछोरी छैनन् । सौताका एक छोरा छन् ।
श्रीमान २ वर्षअघि बितेपछि तामाङ एक्लै भएकी हुन् । श्रीमान बितेपछि उनलाई सौताका छोराले वास्ता गरेका छैनन् ।
सिर्जनानगरमा अरुको खेतमा अधियाँमा कमाएर गुजारा गर्दै आएकी तामाङ साहुकै जग्गामा टहरा बनाएर बसेकी हुन् ।
‘बाहुनहरूले एक्लो छ, बसोस्, भनेर दया गरेर अलिकति ठाउँ मात्रै दिएका हुन्, मेरो जग्गा होइन यो,’ तामाङले मलिन हुँदै भनिन्, ‘बाहुनहरूकै जग्गामा खेती गरेर बसेको छु । अब त बल पनि छैन । बुढी हुँदै गएँ । बाढीबाट त प्रहरीले बचायो, अब कसरी बाँच्ने हो ! पहिला जसरी काम गर्न पनि सक्दिनँ ।’
बल हुँदा साहुको खेती गरेर खाए पनि काम गर्न नसक्ने भएपछि कसरी गुजारा चलाउने भन्ने चिन्ता उनलाई छ । सरकारले कतै बस्ने व्यवस्था गरिदिए हुन्थ्यो भन्ने चाहन्छिन्, उनी ।
बुधबार राति हनुमन्ते खोलामा आएको बाढीले डुबानमा परेको भक्तपुर क्षेत्र अहिले क्रमशः पुरानै अवस्थामा फर्कने क्रममा छ । मानिसहरू आफ्नो घरभित्र पसेको हिलो र फोहोर पानी सफाइ गर्नमा व्यस्त छन् ।
तामाङजस्तै डुबान प्रभावितको जनजीवन अझै सामान्य बन्न सकिरहेको छैन ।
नृत्यका पारखीहरूका लागि लुम्बिनी प्रदेशमा लोकप्रिय नाम हो किशोर थापा । रुपन्देहीका किशोरको परिचय खाली नृत्यकार (डान्सर)मा मात्र सीमित छैन । उनी नृत्य निर्देशक, गायक, मोडल र फूटबल खेलाडीको रूपमा समेत उत्तिकै च...
बुधवार काभ्रेको धुलिखेलस्थित काठमाडौं विश्वविद्यालयका १ हजार ८३८ जना विद्यार्थीमाझ सनम ढकाल दृश्यमा आए । एमबीबीएसमा सर्वोत्कृष्ट भएर गोल्ड मेडल ल्याउँदै सनम दीक्षित भएसँगै सबैमाझ परिचित भएका हुन् । काठम...
बुटवलका कुलचन्द्र पाण्डे सफल पर्यटन व्यवसायी हुन् । कुनै समय भारतको एउटा कम्पनीमा काम गरेका पाण्डे अहिले रूपन्देहीमा ‘एसियन ब्राण्ड’ चम्काउने ‘टुरिजम’ उद्यमीका रूपमा चिनिन्छन् । तीन दशकअघि...
समय : आइतवार बिहान ७ बजे स्थान : नलगाड नगरपालिका, १ चिउरी, जाजरकोट (भूकम्पले सबैभन्दा धेरै क्षति पुर्याएको ठाउँ) ‘मेरी आमालाई किन यस्तो भयो ? मलाई पनि बाँच्न मन छैन,...
भगवान् गौतम बुद्धको जन्मस्थल लुम्बिनी विश्वकै लागि शान्तिक्षेत्र हो । यो क्षेत्र आउँदो महिना विशेष हुने भएको छ । विश्वकै प्रतिष्ठित र ठूलो पुरस्कार मानिने नोबेल पुरस्कार विजेताहरूको जमघट हुने भएपछि विशेष हुन लागेक...
रोल्पाका देवराज बुढामगर गाउँकै साधारण किसान हुन् । परिवर्तन गाउँपालिका–४ पाथावाङ निवासी देवराजका ६ छोरी र एक छोरा सरकारी जागिरे छन् । छोराको आसमा ६ छोरी जन्माए देवराज र उनकी श्रीमती नन्दाले । हुन पन...
हामी १५औं अन्त्य गरेर १६औं योजनाको तयारीमा जाँदै छौं । दलका शीर्ष नेताबीच १६औं योजनाको विषयमा छलफल भएको छ । १५औं योजनाको असफलता र नमिलेका कुरालाई १६औं मा सुधार्छौं । हाम्रो गन्तव्य कहाँ हो भन्ने संविधानले ...
सच्चा लोकतन्त्रमा सिमान्तमा रहेको नागरिकले पनि यो देश मेरो हो भन्ने अनुभूति गर्न सक्नेछ- माहात्मा गान्धी । माथि गान्धीको भनाइ किन उद्धृत गरिएको हो भने नयाँ वर्षको आगमन भैसकेको छ र २०८० को बिदाइ बडो हर्षपूर्वक...
एक दिन काम विशेषले नयाँ सडकतिर गएको थिएँ, मोबाइल टिङटिङ गर्यो । हेरेँ पुराना मित्र जयदेव भट्टराई, सम्पादक मधुपर्क (हाल अवकाश प्राप्त) ले सम्झेका रहेछन् । हामी दुई लामो समयसम्म सँगै रह्यौँ, कहिले गोरखापत्र...