सामाजिक सञ्जालमा राम्रा र आकर्षक तस्वीर पोस्ट गर्न जो कोही लालयित हुन्छन् ।

त्यसका लागि उनीहरुले विभिन्न हत्कण्डा अपनाउने गरेका छन् । अझ सेलिब्रेटीहरुले त आफ्ना फ्यानहरुलाई आफूतर्फ आकर्षित गर्नका लागि सामाजिक सञ्जालहरुमा यस्ता तस्वीर राखिरहेका हुन्छन् जसका कारण फ्यानहरु र आफूलाई पच्छ्याउनेहरुले वाह भनुन् । 

यस्तै प्रयास गरेकी छिन् एक जना भारतीय मोडल कटरीनाले । 

कटरीनाले अस्ट्रेलिया पुगर एक शानदा समुद्री किनारामा शार्क माछाका साथमा फोटो पोज दिएकी छिन् तर त्यस क्रममा उनीमाथि हमला भएको छ । 

केही दिन पहिला मोडल कटरीना जरुटस्की आफ्नो परिवार र व्याइफ्रेन्डसँग अस्ट्रेलियाको चर्चित समुन्द्री किनारामा छुट्टी मनाउन पुगेकी थिइन् । 

१९ वर्षकी यी मोडललाई नर्स सार्कको साथ एक राम्रो फोटो खिचाउने विचार आयो । जब कटरीना पानीमा सुतेर फोटो पोज दिइरहेकी थिइन् त्यति नै बेला सार्क माछाको एक झुण्डले कटरीनामाथि आक्रमण ग¥यो । उनलाई टोक्यो । 

सार्कले टोक्न थालेपछि कटरीना छटपटाइन् । बीबीसीसँगको कुराकानीमा कटरीनाले सार्कले टोक्न थालेपछि पानी भित्र तानेको बताएकी थिइन् । 

जसो तसो गरी उनी सार्कको पन्जाबाट छुट्टिइन् र उपचारका लागि गइन् । परिवारका कसैले पनि हल्ला नगरेका कारण सार्क शान्त नै रहे । यदी कराएको भए सार्क आक्रामक हुने र जस्तो सुकै घटना हुनसक्ने समाचारमा उल्लेख गरिएको छ ।