कपिलवस्तु– जिल्ला प्रशासन कार्यालयअन्तर्गतको शिक्षा विकास तथा समन्वय इकाइ कपिलवस्तुका प्रमुख सुरेन्द्र पराजुली २ लाख ८० हजार रुपैयाँ घुस रकमसहित पक्राउ परेका छन् । 

पराजुलीले जिल्लामा कार्यरत शिक्षा क्षेत्रका कर्मचारीको तलव निकाशीमा ढिलाइ गरि विभिन्न बहानामा घुस रकम माग गरिरहेका थिए । 

पूर्वसूचना र उजुरीका आधारमा बुटवलस्थित अख्तियार दुरुपयोग अनुसन्धान आयोगको कार्यालयबाट खटिएको टोलीले छापा मार्दा पराजुलालाई २ लाख ८० हजार रुपैयाँ घुससहित उनको सरकारी निवासबाट पक्राउ गरेको हो ।