बागलुङ – नेपाल पत्रकार महासंघका पूर्वअध्यक्ष उजीर मगर दुर्घटनामा घाइते भएका छन् । बागलुङको  गलकोट नगरपालिका–११ रिघा भालुपाईलेमा बुधबार  भएको जीप दुर्घटनामा उनी घाइते भएका हुन् । 
गम्भीर घाइते  उनलाई उपचारका लागि पोखरा पठाइएको प्रहरीले जनाएको छ । 
उक्त दुर्घटनामा १४ जना घाइते भएका छन् । मगसहित ४ को अवस्था गम्भीर रहेको प्रहरीले जनाएको छ । 
बागलुङ बजारदेखि बुर्तिवाङको लागि छुटेको ध १ज १४९ नम्बरको जीप अनियन्त्रीत भई  नालीमा पल्टीदा सो दुर्घटना भएकाे इलाका प्रहरी कार्यालय हरिचौरका प्रहरी नायव निरीक्षक मन बहादुर बिकले जानकारी दिए ।