काठमाडौं जान डा. केसी तयार, हेलिकप्टरमा राखेर केहीबेरमा लगिँदै

साउन ३, २०७५

सुर्खेत – जुम्लामा अनशनरत डाक्टर गोविन्द केसीलाई काठमाडौं लैजान भीडलाई तितरबितर पारेर प्रहरी अस्पतालभित्र प्रवेश गरेको छ ।

डाक्टर केसीलाई पहरा दिएर बसेका विद्यार्थीहरूको भीडलाई तितरबितर पारेर प्रहरी डा. केसी अनशन बसिरहेको स्थलमा प्रवेश गरेको हो।

केसीलाई हेलिकप्टरमा राखेर केहीबेरमा काठमाडौं लैजाने तयारी भइरहेको छ ।

आफूलाई पहरा दिएर बसेका विद्यार्थीमाथि प्रहरीले लाठीचार्ज गरेपछि डा. केसी काठमाडौं जान तयार भएका छन् । उनलाई केहीबेरमा हेलिकप्टरमा रखेर काठमाडौं लगिँदैछ ।

यसअघि डा. केसीले सरकारले आफूलाई अपहरण गर्न खोजेको आरोप लगाएका थिए ।

प्रहरीको लाठीचार्जबाट केसीका केही समर्थक घाइते भएका छन् ।

साउन ३, २०७५ मा प्रकाशित

प्रतिक्रिया दिनुहोस

ताजा समाचार