बलिउड विश्वको दोस्रो ठूलो चलचित्र उद्योगको रुपमा स्थापित छ । केही वर्ष अघिसम्म बलिउडका कुनै पनि चलचत्रिले १ सय करोड कमाए भने मिडियामा ठूलै समाचार बन्थे । अहिले १ सय करोड कमाउनुलाई सामान्य रुपमा लिइन्छ । भारतमा पहिलोपटक अमिर खानको चलचत्रि ‘पीके’ले भारतभित्र तीनसय करोडको कमाई गरेको रेकर्ड छ । त्यसयता अहिलेसम्म आधा दर्जन चलचित्र तीन सय करोड क्लवको सुचिमा परेका छन् । तर अचम्मको कुरा, सलमान खान र आमिर खानका चलचित्र तीन सय करोड क्लवमा छिरे पनि शाहरुख खान भने यो सूचीमा अझैसम्म पर्न सकेका छैनन् । तीनसय करोड क्लवमा सलमानका तीन र आमिरका दुईसहित ८ चलचित्र परेका छन् ।

टाइगर जिन्दा हे

२०१८ मा प्रदर्शनमा आएको चलचित्र ‘टाइगर जिन्दा हे’ एउटा धमकेदार एक्सन थ्रिलर चलचित्र हो । सलमान खान र कट्रिना कैफको प्रमुख भूमिका रहेको चलचित्रले ५ सय ५२ करोड रुपैया“को कारोवार गरेको छ । यो चलचित्रलाई कविर खानले निर्देशन गरेका हुन् । समिक्षकले ‘टाइगर जिन्दा हे’लाई खासै राम्रो त भनेनन्, तर कमालको व्यापार गरेर सवैलाई दंग वनाएको छ । वलिउडमा सम्भवत यो चलचित्र दोस्रो धेरै आम्दानी गर्ने चलचित्र हो ।

सञ्जु

बलिउडमा अहिलेसम्म सवैभन्दा धेरै आम्दानी गर्ने चलचित्रको सुचिमा ‘सञ्जु’ पनि परेको छ । अभिनेता सञ्जय दत्तको जीवनमा आधारित बायोपिक ‘सञ्जु’ अहिले केहि देशका हलमा चलिरहेको भारतीय संचारमाध्यमहरु बताउ“छन् । २०१८ मा सर्वाधिक आम्दानी गर्ने चलचित्रको रुपमा स्थापित यो चलचित्रले अहिलेसम्म ६ सय करोड रुपैयाको आम्दानी गरिसकेको छ । रणवीर कपुरको मूख्य अभिनय रहेको चलचित्रलाई राजकुमार हिरानीले निर्देशन गरेका हुन् । यो चलचित्र हेर्न खोजेका दर्शक दुई हप्तासम्म पनि टिकट नपाएर फर्किएका थिए ।

पद्मावत

भारतमा निकै विवादमा परेको ‘पद्मावत’ ऐतिहासिक विषयमा निर्मित चलचित्र हो । रणवीर सिंह, दिपिका पादुकोण, शाहिद कपुरको प्रमुख भूमिका रहेको यो चलचित्रले अहिलेसम्म विश्वभरवाट ४ सय करोड भन्दा माथीको व्यापार गरेको छ । चलचित्रलाई सञ्जय लिला भन्सालीले निर्देशन गरेका हुन् । उनी अहिले नया“ चलचित्रको तयारीमा छन् ।

दंगल

आमिर खानको प्रमुख भूमिका रहेको चलचित्र दंगल सर्वाधिक व्यापार गर्ने चलचित्रमध्येको एक हो । यो चलचित्रले झन्डै ४ सय करोडको व्यापार गरेको बताइन्छ । २०१६ मा प्रदर्शन भएको दंगलमा आमिर खानसहित साक्षी तावर, फतिमा साना सेख, जायर बसिम लगायतका कलाकारहरु पनि छन् ।

पीके

२०१४ मा प्रदर्शन भएको सुपरहिट चलचित्र पीकेले वलिउडका अन्य चलचित्रभन्दा धेरै फरक विषयवस्तुमा आधारित रहेर निर्माण भएको थियो । सोही कारण दर्शकले यो चलचित्रलाई मन पनि पराए । चलचित्रमा आमिरले एक एलियनको क्यारेक्टरमा देखिएका थिए । राजनीतिक र धार्मिक क्षेत्रलाई व्यंग्य गरेको चलचित्रले साढे तीन सय करोडको कारोवार गरेको बताइन्छ । राजकुमार हिरानी निर्देशित चलचित्रमा आमिरका अलावा अनुष्का शर्मा र सञ्जय दत्तको पनि मूख्य भूमिका छ ।

बजरंगी भाइजान

सलमान खानको प्रमुख भूमिका रहेको चलचित्र बजरंगी भाइजान तीन सय करोडमा पर्ने भाग्यमानी चलचित्र हो । पाकिस्तानकी एक वालीका भारतमा हराएको र उनलाई घरमा फर्काउन सलमान (बजरंगी भाइजान)ले गरेको प्रयासलाई चलचित्रमा निकै इमोस्नल कोणबाट देखाइएको छ । भारतीय चलचित्र समिक्षकहरुबाट राम्रो तारिफ पाएको यो चलचित्रले ३ सय ३० करोड हाराहारीको व्यापार गरेको थियो । चलचित्रमा सलमान खानका अलावा करिना कपुर र वाल कलाकार हर्षाली मल्होत्राले मूख्य भूमिका निर्वाह गरेका थिए । 

सुल्तान

२०१६ मा प्रदर्शनमा आएको चलचित्र सुल्तान ९० करोडमा निर्माण भएको हो, यद्यपी यो चलचित्रले भारतमा ३ सय १ करोडको आम्दानी गरेको छ भने विश्वभरीवाट ५ सय ७४ करोडको आम्दानी गरेको छ । अली अब्बास जाफरको निर्देशनमा बनेको यो चलचित्रमा ४० वर्षीय एक बक्सरको कथालाई उठाएको छ । सुल्तानमा सलमान खान र अनुष्का शर्माले मूख्य भूमिका निभाएका थिए ।